S2 鐵板燒 (已結業)

朋友生日，佢表示未試過日式鐵板燒，上網研究左好耐，最後揀定呢間位於佐敦好評如潮既S2！餐廳不算大，但是可以坐在吧台前望住師傅既手勢，真是一種享受呢！我地揀左兩個唔同既套餐share黎食，分別係780蚊既海膽焗原隻龍蝦帆立貝海鮮套餐同450蚊既美國薄燒牛肉北海道二本蟹爪套餐。兩個套餐既前菜都是一樣的，係鴨胸沙律同刺身。刺身比較一般，但鴨胸沙律整得好唔錯，鴨肉好嫩而且沒有騷味。除左前菜，兩個套餐既炒飯、湯、炒菜、甜品都係一樣既，只是主菜唔同。海膽焗原隻龍蝦帆立貝海鮮套餐鐵板海膽醬芝士焗原隻龍蝦龍蝦非常大隻而且啖啖肉，肉質新鮮彈牙，配上芝士醬食更惹味！北海道黑松露帆立貝黑松露味好出，同帆立貝一齊燒都幾夾招牌脆皮煎鰻魚非常香口，個皮煎得好脆，如果鰻魚可以肥美些就更好了美國薄燒牛肉北海道二本蟹爪西京醬煎煮銀鱈魚個人覺得呢個魚比起鰻魚做得更出色。銀鱈魚非常鮮嫩，配上帶有少許酒味又甜甜地既西京醬，真係幾好食！北海道二本蟹爪配香煎牛舌呢個牛舌非常厚，不過唔會硬，可惜我唔中意後牛舌，所以不太合口味。而北海道二本蟹爪雖然鮮甜但冇想像中大美國薄燒牛肉牛肉內卷有大量香蔥同炸蒜頭，好香口！最後呢個湯都好出色鮮甜