影片
更多
2021-06-06
935 浏览
爸爸生日，想同佢食一啲特別嘅嘢。心鉄板燒已經喺OpenRice bookmark咗好耐，見到食評一面倒的好，於是決定今次同爸媽黎試吓 😙佢喺一幢商廈嘅高層，入到去雖然地方不算大，但感覺乾淨舒服。鐵板午餐由$2xx~$4xx不等，價錢可以接受。首先係前菜，有雜菜沙律同埋螺肉，蔬菜幾新鮮。之後開始主菜，我哋叫咗大蝦，帆立貝，日本和牛，美國肉眼，同埋比目魚，仲有沖繩啤酒。個蝦好大隻，彈牙爽口，廚師調配嘅醬汁不會太濃而遮蓋蝦味。帆立貝都好大隻，上碟配上牛油同醬油調製嘅醬汁，加上大大粒嘅魚子，同少少香草裝飾，視覺上好靚。將帆立貝放入口內，表面煎香，但內裏軟林多汁，生熟度剛剛好 🥰日本和牛一拎出嚟，油花及顏色已經好吸引😍。廚師邊煎邊傳來陣陣嘅油香，簡直令人口水直流。和牛入口軟綿綿，沾上少許岩鹽，齒頰留香。美國肉眼扒都有牛香味，但有啲筋，就算只要medium，肉質都有啲難咬。比目魚係媽媽叫嘅，我冇試到，但佢話魚皮煎得金黃香脆，魚肉表面亦煎得香，內裏軟滑，似乎都不錯。套餐仲有櫻花蝦炒飯，麵豉湯同埋雪糕。平時我都唔特別鍾意食櫻花蝦，但呢度將佢加入炒飯度，味道就好夾。由於係爸爸生日，訂位時已先叫侍應哥哥幫
佢喺一幢商廈嘅高層，入到去雖然地方不算大，但感覺乾淨舒服。鐵板午餐由$2xx~$4xx不等，價錢可以接受。
首先係前菜，有雜菜沙律同埋螺肉，蔬菜幾新鮮。
前菜
23 浏览
0 赞好
0 留言
之後開始主菜，我哋叫咗大蝦，帆立貝，日本和牛，美國肉眼，同埋比目魚，仲有沖繩啤酒。
個蝦好大隻，彈牙爽口，廚師調配嘅醬汁不會太濃而遮蓋蝦味。
大蝦
78 浏览
0 赞好
0 留言
大蝦
43 浏览
0 赞好
0 留言
帆立貝都好大隻，上碟配上牛油同醬油調製嘅醬汁，加上大大粒嘅魚子，同少少香草裝飾，視覺上好靚。將帆立貝放入口內，表面煎香，但內裏軟林多汁，生熟度剛剛好 🥰
帆立貝配魚子
46 浏览
0 赞好
0 留言
帆立貝配魚子
32 浏览
0 赞好
0 留言
日本和牛一拎出嚟，油花及顏色已經好吸引😍。廚師邊煎邊傳來陣陣嘅油香，簡直令人口水直流。和牛入口軟綿綿，沾上少許岩鹽，齒頰留香。
美國肉眼扒都有牛香味，但有啲筋，就算只要medium，肉質都有啲難咬。
和牛
56 浏览
0 赞好
0 留言
和牛
25 浏览
0 赞好
0 留言
比目魚係媽媽叫嘅，我冇試到，但佢話魚皮煎得金黃香脆，魚肉表面亦煎得香，內裏軟滑，似乎都不錯。
比目魚
23 浏览
0 赞好
0 留言
比目魚
22 浏览
0 赞好
0 留言
套餐仲有櫻花蝦炒飯，麵豉湯同埋雪糕。平時我都唔特別鍾意食櫻花蝦，但呢度將佢加入炒飯度，味道就好夾。
櫻花蝦炒飯
22 浏览
0 赞好
0 留言
由於係爸爸生日，訂位時已先叫侍應哥哥幫忙準備生日快樂嘅祝福字句，廚師仲另外畫上公仔一個，真係好有心思😊
雪糕我要咗開心果味，有少少果香，但不算突出。
甜品
30 浏览
0 赞好
0 留言
甜品
22 浏览
1 赞好
0 留言
一邊享受美食，一邊睇住廚師喺鐵板上巧妙地將海鮮預備及烹調，真係視覺同味覺嘅雙重享受 😎。再加上廚師及侍應們都好有禮貌，享用美食期間都同佢哋有講有笑，所以真心推介呢度 👍🏻
张贴
