影片
更多
2021-11-29
2542 浏览
過到嚟D2 Place睇啲嘢，而老婆今晚有堂上未有時間煮，索性由小弟買外賣返去食。原本都鎖定咗目標，但就晌嚟之前，出地鐵見到呢間「千の味」刺身、壽司外賣店，見門口易拉架顯示嘅價錢唔喺貴，又有啲特價嘢，所以，唔好怪我見異思遷，改咗晌度買外賣。雖然小店一間，但都花咗啲心思晌裝修度，就好似入門口咁，裝扮成條櫻花隧道，好有日本風，好有打卡感架。再行落去，左邊見到落單櫃檯及廚房，自選刺身、壽司及各樣食物，就喺晌度即點即整。而右邊就喺一啲凍櫃，放咗啲預製好嘅小食、卷物、刺身丼……等等，即攞即買，快靚正之選。更重點喺，去到近閂門時段，為促銷就會折完再折，小弟就梗喺會善用呢種優惠啦。此外，仲有一組「雜貨架」，兼營好多日本產品，以飲品及零食為主，亦有啲醬料、調味料同食品。而當中有啲飲品喺有跟餐加配或升級優惠。晌另一邊，即喺樓梯側旁，有個雪櫃，供應多款日本急凍食品，所以，嚟到就算唔喺買刺身、壽司，亦可以買啲急凍食品返去煮。至於講到即做嘅刺身、壽司、小食、沙律、冷麵，甚至大堆頭嘅盛盒，兩張點菜紙，底面共4頁就顯示晒出嚟，小弟亦唔多講。仲有啲特價單點飯類，送汽水或烏龍茶，都不妨考慮吓。雖然上文都講過餐廳都喺主
雖然小店一間，但都花咗啲心思晌裝修度，就好似入門口咁，裝扮成條櫻花隧道，好有日本風，好有打卡感架。
再行落去，左邊見到落單櫃檯及廚房，自選刺身、壽司及各樣食物，就喺晌度即點即整。
而右邊就喺一啲凍櫃，放咗啲預製好嘅小食、卷物、刺身丼……等等，即攞即買，快靚正之選。更重點喺，去到近閂門時段，為促銷就會折完再折，小弟就梗喺會善用呢種優惠啦。
此外，仲有一組「雜貨架」，兼營好多日本產品，以飲品及零食為主，亦有啲醬料、調味料同食品。而當中有啲飲品喺有跟餐加配或升級優惠。
晌另一邊，即喺樓梯側旁，有個雪櫃，供應多款日本急凍食品，所以，嚟到就算唔喺買刺身、壽司，亦可以買啲急凍食品返去煮。
至於講到即做嘅刺身、壽司、小食、沙律、冷麵，甚至大堆頭嘅盛盒，兩張點菜紙，底面共4頁就顯示晒出嚟，小弟亦唔多講。
仲有啲特價單點飯類，送汽水或烏龍茶，都不妨考慮吓。
雖然上文都講過餐廳都喺主打外賣，但場內有張立食枱，不過，寫到明6:00pm後就不設堂食，大家就留意吓。
最後，就買咗一份壽司拼盤，加兩款特價嘅壽司卷及刺身丼，然後，搭兩支日本直送嘅果味梳打，夾夾埋埋都只喺$223，抵食。
火炙壽司拼盤 $118先點一份自選嘅，就番老婆口味，佢又唔想食得太生，所以，晌火炙系列中揀咗呢一款拼盤。一客有8件，包括火炙三文魚腩、火炙芝士三文魚x2、火炙黑椒三文魚、火炙芝士帶子、火炙芝士熟蝦、火炙芝士鰻魚、火炙左口魚邊，計落比散叫抵，又可以一次過試到多啲款式。咁多款都唔錯，尤其帶子厚肉又爽口，熟蝦鮮甜兼彈牙，左口魚邊就油潤脂香。
蔥花三文魚吞拿魚卷 $28睇個價錢牌，原價$46，最後減到$28。將三文魚、吞拿魚刴成蓉，加入蔥碎，糝少少芝麻，食起嚟有三文魚及吞拿魚嘅油潤，伴住啲蔥花，口感唔會太膩，增添少少清爽感。
雙色三文魚丼 $36原先嘅定價$60都唔喺貴，依家折扣再折扣，只賣$36，就真喺抵到飛起。只喺因為臨收鋪促銷，質素食落卻喺無走樣，唔喺將貨就價。三文魚入口非常嫩滑，而炙燒過嘅三文魚，油份更為突出，而且，飯量亦不少，抵食夾大件。
靜岡蜜瓜梳打 $23、山梨長野白桃梳打 $23散買原價就賣$23，不過，買雙色三文魚丼，雖然喺折扣價，一樣喺奉送基本飲品，亦可加$18轉為特飲梳打。之前都曾經飲過隻白桃味，覺得真喺唔錯，今次就試埋隻蜜瓜味。兩隻味嘅果味都好香、好突出，加上有少少汽，感覺特別爽。
食咁多嘢都喺二百零蚊，真喺幾抵，買返屋企嘆住食，食得自在。
张贴
