千の味刺身壽司專門店 (已結業)

平時外賣食壽司拼盤就多其實佢嘅午餐都好抵食我推薦5色丼除咗常見嘅三文魚同吞拿魚仲有三文魚子赤蝦同油甘魚而且份量每款都有兩件當中有比較貴價小小嘅三文魚子可以用來送飯價錢就$100有找都算係平價但質素ok既日本魚生飯

大班朋友聚會，最重要是大家都吃得飽而且同款食物不能只有一兩件否則會爭崩頭壽司盤大份又抵吃最正是火炙壽司加上芝士片在魚生上，燒至半溶，超級正呀可惜的是豉油太少豉油碟就夠，但次次食到一半就乾塘…

因為我是買不同組合的，有啲混淆😂，所以統一咁講吧😛（around $21x)壽司🍣的飯比一般壽司鋪壓得實🙌🏻，啲飯就算放左成日都無一粒粒、同變酸，幾易入口🫶🏻三文魚切得幾厚，仲算新鮮帶子完全咖會腥，我食其他壽司鋪會腥，所以我好小食帶子，但呢個不錯🫡吞拿魚🍣就..（我一向唔鐘意食，但我fd話好食過出面果啲😂）生蝦🦐上次食有啲苦🥹（扣分）最好食我覺得是炙燒+芝士🧀️，不論是三文魚、蝦🦐都好好食，個炙熱味好出🫰🏻，但啲刺身又無變柴🙏總體而言：在地鐵🚇站旁，超近！google map是假的，不要相信跟住亂行🤭；店員態度很好，因為有即整同外賣，佢地都一視同仁，無因此而燥底🫡；食物質素高（好食過壽司🍣x🤭)，我已經番食幾次；價錢抵諗（外賣仲有折）分數：？/10食物🥘：8/10環境🏞️：8/10服務👩🏻‍🍳：8/10價錢💰：8 /10

每個星期返學都會去買外賣同同學一齊做晚餐，有好多唔同嘅套餐，價錢親民又抵食🍣三文魚控必食推介 三文魚親子盛合有三文魚、三文魚腩、三文魚籽、👍食材新鮮，三文魚厚身、三文魚腩肥美，仲有我最愛嘅大大粒魚籽，壽司飯大細啱啱好🍣 千之人氣壽司拼盤A有鰻魚壽司、玉子壽司、腐皮壽司、蟹棒壽司、吉列炸蝦卷等加埋14件份量十足，吉列炸蝦係新鮮炸、脆卜卜鰻魚壽司非常入味蟹棒大大條🥗 三文魚蟹籽沙律分量十足，啱晒減肥中嘅朋友荔枝角分店仲有好多日式美食、飲品、調味料等售賣，今次仲買咗柚子同蜜瓜梳打🥰

性價比超高🤩嘅外賣刺身壽司專門店，🍣千の味刺身壽司專門店!!公司附近就有一間📍，放工去買返屋企食超方便。👍🏻外賣俾埋乾冰keep住冰凍，抵讚!·🍣壽司餐（10件） HKD$103九款壽司配搭，食完好飽肚🤗。包括 🐟三文魚2件、油甘魚、白身魚、🦐赤蝦、吞拿魚、蟹籽、熟蝦、🥚玉子、🐠鰻魚，個人推薦鰻魚🤤，醬汁好惹味! 仲有油甘魚，食到微微魚油香😙。·🐟三文魚刺身（10件） HKD$103好肥美，色澤好靚😻；件件厚切啖啖肉😚，10件自己食真係有啲多😄，一定會再encore!.🦐赤蝦（5件） HKD$92超大隻赤蝦刺身😽，jumbo size，有成隻手咁長! 蝦肉鮮嫩肥厚😍，微微甘甜，質地有少少黏口。.📍千の味刺身壽司專門店

今晚有朋友過來同謙謙玩，放工拿拿聲去入貨招呼人啦！掛住買野無手買外賣，返到屋企醒起千之味有得叫外賣即 Order啦！朋友唔太食生野所以今次多數叫熟食😋🍣 玉子小卷 ～ 小朋友最愛細細件，一啖一件。🍣 加州反卷 ～ 蟹籽滿滿包住哂夠卷物每啖都卜卜脆。🍗 芝麻雞翼 ～ 千之味的雞翼惹味得來帶點微辣。🍚 燒汁牛肉飯 ～ 好多洋蔥一齊炒牛肉， 洋蔥的甜和燒汁都同牛肉好夾超好下飯。🍱 角切魚生飯 ～ 謙謙每次必點， 咩魚生都有d 最重要有隻蝦比佢， 佢食得超滿足，因每款都鮮甜美味。🍜 三文魚冷麵 ～ 我就耐唔時鍾意食下冷麵，呢到的冷麵配芝麻醬好開胃，原來三文魚拌勻芝麻醬都幾夾架喎！🥤 3款 OOHA 0糖0卡0脂汽水🥟 急凍餃子 ～ 我都出手煎左d 來食， 超方便落煎 pan ，好快就煎到脆底。

今晚係長沙灣廣場見完客，準備返屋企，發現有間「千之味」外賣壽司🍣店，一向都係我致愛，食材新鮮，質素不錯，價錢又合理，壽司種類選擇多，唔知點揀，晚市套餐就最啱，樣樣都有，不用傷腦筋👍👍火炙壽司餐 HKD 105 一共10件壽司，有火炙三文魚、玉子、鰻魚、熟蝦、吞拿魚等等。當中最鍾意就係吞拿魚、左口魚，因為味道濃郁、油香豐富；而北寄貝、八爪魚都幾新鮮，容易咬開，口感爽口😁😁壽司餐（10件）$103（三文魚2件、油甘魚、白身魚、赤蝦、吞拿魚、蟹籽、熟蝦🦐、玉子、鰻魚，即見即做，色澤鮮明😄😄火炙壽司冷麵餐$85芝麻醬同冷麵分開放，即使拎番屋企，都好爽口，另外有三文魚、三文魚腩、左口、鰻魚、熟蝦等火炙壽司🍣因火槍烤至半熟，味道更濃郁惹味 ‍😘

去左香工行街，行完去左對面街既千之味買壽司定食外賣， 見到有幾個飯做緊晚巿特價，好抵食。每個定食包一罐飲品，定食大大份，好抵食。最後叫左一個壽司🍣餐同三個飯餐火灸壽司餐有十件壽司，十件都唔同口味，基本上最熱門既壽司都有，包括：三文魚、魷魚、北寄貝、熟蝦、吞拿魚、蛋等等，每件入口都有唔同驚喜，相同既係每件壽司都有陣陣火灸味，好香鯖魚飯條鯖魚外皮煎到脆脆地，肉質實淨，唔會好淋身，另外附上檸檬同鯖魚汁，令成條魚既鮮味更出，啲飯都好軟熟，而且份量大燒汁牛肉飯牛肉唔會太肥，個燒汁甜甜地，調得好好，加埋啲洋蔥炒，好香，送飯食一流雞扒飯雞扒個味調得好好，甜甜地，好開胃，雞扒肉質嫩滑，無雪味

一諗唔到食咩，一定係食壽司😂 要坐係屋企乜都唔洗煩就一定係食千之味☺️ 千仔系列@ 2人前套餐A $468 乜都唔洗諗☺️ 有魚生沙律，有刺身，有壽司，仲有炸物🤪 送到你樓下💗 方便至極😆壽司盒有12件: 用原價計都要$170架‼️三文魚腩2件 油甘魚1件 帶子1件 左口魚1件 赤貝1件 北寄貝1件 熟蝦1件 三色花之戀 厚切玉子1件刺身盒有三文魚2片 赤身2片 赤蝦2隻 蟹腳2隻 磯煮鮑魚1隻 - 刺身每人一塊💗 赤蝦好好食☺️炸物小食: 炸魷魚鬚及炸雞軟骨- 無得單叫🤪 今次係我第一次食呢度啲炸物☺️ 估唔到都幾高質💗 過咗半個鐘都仲脆☺️ 呢嗰餐佢可以樣樣食到啲，真係好正☺️ 仲要嗰盒都靚啲，又唔洗自己煩食乜🤪 最緊要夠飽😆 👩🏻‍🤝‍👨🏽兩個人係屋企偷懶唔煮飯，嗌呢個都唔錯😆

而家好多區都可以見到《千の味刺身壽司專門店》嘅蹤影，前幾日飄過就等我試吓係唔係咁好食先！我買咗一盒千の人氣刺身拼盤B、三文魚海膽卷及七味雞翼！ 😁😁😁🌟 千の人氣刺身拼盤B呢個拼盤有三文魚四件、甜假四件、帶子兩件、赤蝦兩件及墨魚四件！色澤鮮明及肥美，食落鮮甜，赤蝦又夠大隻，絕對高質！👍🏻🌟 三文魚海膽卷海膽配三文魚真係絕配嘅組合，海膽入口即溶加上鮮甜嘅三文魚，我一個人都可以KO 10件呀！😝🌟 七味雞翼呢個口味超惹味，辣辣地外脆肉嫩，真係好邪惡呀！😆原來買滿$300蚊起仲可以有免費外送添，真係好方便呀！仲有大大個冰袋係入面，確保新鮮！🥰❤️

千之味刺身壽司專門店有好多間分店😆多款刺身和壽司選擇🍣 價錢亦大眾化👍🏽外賣亦會附加一個冰袋，keep 住冷冷的感覺❄️令魚生同壽司保持新鮮🔸三文魚刺身（5件）$61🔸劍魚腩刺身(5件）$78🔸藍鰭吞拿魚赤身刺身 （3件）$68刺身同壽司係分開地方的刺身每件都好新鮮同肥美🤤而劍魚腩刺身有5塊，厚肉同大舊D刺身都抵食呀！🔸三文魚小卷(6件）$24細細件，食到飽飽都食到😆壽司飯食到點點的醋味又唔會太酸🔸左口魚壽司 2件 $20喜歡的左口魚，大大塊充滿光澤，放落口就溶係口🤤🔸海膽軍艦（2件） $48海膽軍艦既海膽份量都多，係有爆滿的感覺新鮮的中間亦有青瓜絲🥒 中和一下個口腔

生日要好有儀式感☺️ 一班人食壽司之餘，點可以少咗生日蛋糕☺️ 生日蛋糕就一定唔可以少🤪 但係撞正啲朋友嫌棄生日食得太多蛋糕🙄 但又一定要拎住嗰蛋糕影嗰相😂 所以今次就無買正常嘅生日蛋糕，買咗嗰壽司蛋糕😂 老實講我對壽司蛋糕嘅印象都不太好，因為好似淨係食飯咁😂😂 所以都只係敢叫最細嗰嘅蛋糕B，５吋三文魚蛋糕 $268🤪 又驚佢等好耐，所以早五嗰鐘打去話聲佢聽先💗💗 雖然我哋價錢可以送貨，但因為有”蛋糕”，佢哋話最好自己拎，驚佢變形😆講重點嘅味道‼️ 入面飯有蟹子架‼️好似食緊角切魚生飯咁，仲要勁多魚生☺️ 仲有生日牌同蠟燭送☺️ 啱哂臨急抱佛腳嘅你🤪 估唔到嗰蛋糕拎到所有人嘅好評💗💗 都幾好食💗 佢哋話周不時食下呢啲蛋糕都幾特別，魚生好新鮮‼️亦估唔到60幾歲嘅人ok佢😂

OT都唔應該懲罰自己😂 今日去開荔枝角做嘢，要OT無得返屋企食飯，站係我立場，夜晚要係荔枝角買到快靚正嘅嘢一定係揾千仔😂 因為工廠區好多都收6點🏭😵‍💫叫咗嗰鰻魚飯定食配烏龍茶 $105再加多咗兩款壽司，墨魚$15、腐皮$12☺️ 個鰻魚好厚好多汁☺️ 都真係幾抵食，仲要配埋螺肉小食💗 係等緊嘅期間，係到睇佢啲凍櫃，佢有好多唔同氣炸鍋嘅小食，仲要小泡芙🥹 日本朱古力泡芙🍫 $30/12粒，好開心💗 其實啲人開party拎呢嗰做甜品都好正🤪 雖然我當佢係小食，俾我苦中一點甜☺️

今晚喺「千之味刺身壽司專門店」叫咗外賣壽司食🍣千之味主打沙律、小食、冷麵、刺身、壽司、卷物、軍艦等等日本和食，價錢經濟實惠燒汁牛肉飯定食全日供應的定食套餐，跟餐配飲品、沙律及螺肉小食。牛肉片加入洋蔥及日式燒汁一同烹調，鹹鹹甜甜，充滿肉香，佐飯一流火炙芝士三文魚壽司肥美油潤三文魚火炙燒到魚油出哂黎，配上半溶芝士及少量蛋黃醬，好好食哦火炙黑椒三文魚壽司半熟三文魚表面加咗黑椒碎作點綴及調味，簡單又滋味辣味三文魚軍艦新鮮三文魚粒加咗辣味蛋黃醬，味道濃郁，微微辣粟米沙律軍艦粒粒粟米好爽脆，同沙律醬味道好夾～表面加咗少許日本蟹籽，增添口感芥末八爪魚軍艦八爪魚粒口感彈牙，配上輕微嗆鼻的和風芥末，好刺激呢吞拿魚沙律軍艦沙律醬及熟吞拿魚肉比例恰當剛好，幾好食芝士吉列炸蝦卷表面芝士輕輕火炙燒過，呈半溶狀態，日本珍珠米飯卷著金黃香脆吉列炸蝦，味道同口感都好豐富呀三文魚忌廉芝士卷刺身三文魚鋪面，中間飯卷著爽脆青瓜及忌廉芝士，滿載鮮味自選壽司、軍艦、卷物大合照

上次試過佢哋啲壽司, 刺身整體新鮮又好食, 所以今日經過又買咗一啲壽司外賣返屋企同屋企人一齊shareꕀ🍣千の味 - 人氣壽司拼盤C呢個拼盤有12件火炙壽司, 包括有火炙左口魚、火炙鰻魚、火灸三文魚腩、火炙芝士帶子、火炙芝士三文魚、火炙芝士蟹棒⸝⸝全部壽司都有好香嘅火炙味, 特別推介炙燒左口魚壽司, 燒過嘅裙邊油香四溢, 魚脂味豐富, 口感超嫩; 而三文魚腩則肥美柔軟, 味道鮮美, 食完已經回味無窮🤤! 🍣海膽軍艦 - 海膽味道甘甜, 質感細膩🍣劍魚腩壽司 - 劍魚腩肉質柔軟, 味道鮮甜又肥美🍣鰻魚小卷 - 一盒6件, 壽司飯粒粒飽滿, 用紫菜包裹住, 鰻魚質感軟熟🍣加州反卷 - 一盒4件, 裏面有蟹柳、青瓜絲、雞蛋, 加埋蟹籽同埋沙律醬, 好滿足呀😋!