肉搏食堂 (已結業)

星期日去左厚福街睇下有咩好野食，間間舖頭都有人等位，見到依間野仲有位，店員係門口熱情招呼，望望餐牌係刺身飯，牛肉飯，賣相都幾好，咁就入去試下。叫左1. 海膽帶子三文魚刺身丼同2. 火炙三色魚生丼跟丼牛肉湯：個湯好鹹，飲唔晒海膽帶子三文魚丼：一黎到第一下係失望，魚生少飯多，而且三樣野都無鮮味，三文魚好瘦，另外白飯好乾，無醋味，整體上個飯完全食唔到應有既味道，要靠豉油送飯火炙三色魚生丼：都餸少飯多，比較好既係有隻蛋，撈飯無咁乾，魚生方面都係失望朱古力曲奇沙冰：除左個杯for打卡之外，味道正常服務：員工趕住收野，好似望住你幾時食完收野咁，似食快餐多環境：餐廳係長型設計，入面地方極窄，餐廳竟然安排身型較大既員工serve入面枱，出入成日撞到櫈之餘，幾驚倒瀉食物，食得好唔安心餐廳音樂都唔知係咪壞cd，食個飯一隻歌完整既歌都聽唔到，寧願唔播餐廳無提供熱茶，細節上比其他日式餐廳爭d整體上，依個價錢同地段黎講，食物同服務質素上都仲有好大既改善空間。