一開始，侍應A服務正常講解餐牌等，之後我嗌咗一個小食兩個主食兩杯嘢飲。見到張枱有滴水，順手攞紙巾抹咗一下，張紙巾咁都會變咗黑色🥲然後侍應B上菜...有待改進。
🙂↕️小小食評🙂↕️
🥚肉鬆蛋捲（小食） 可以食😊👌🏻。
🍜紅燒牛肉麵（主食），有一層油都算，個湯底咁深色都無味嘅？牛肉正常，但係湯底好似清水咁😔，仲有少少奇怪味，嗰啲麵一啲味都冇。
🍱宮格便當（主食），揀咗鹽酥雞、台灣腸、辣雜菇、米子春卷、蔥油拌麵（睇圖*食咗少少）。
幾乎全部正常又係個麵出事，個麵又係冇味。唔知道正常蔥油拌麵係咪應該有蔥去拌麵，總之佢呢一間係冇蔥。
所以我終於明白點解咁多人都係剩低啲麵（除咗一開始👈🏻左手面嗰台，其實食到中路👉🏻右手邊嗰台都剩）
🧋到嗰兩杯嘢飲，跟餐半價，正常操作（唔好飲🤣）不過半價你仲想點，另外佢隻杯個設計都幾頂癮，隻杯令到嘢飲個份量少咗。
最後，我都想嗱嗱聲埋完單就走，當試咗個伏就算數。💸$42蛋捲+$75牛肉麵+$88便當+$15飲品+$15飲品=總$235。
我比$535（一張500+一張$20+一張$10+1個$5銀），佢竟然淨係找返$200俾我，條數一啲都唔難計，我真係唔知係佢唔小心定係側側膊唔多覺食多我$100，重點係佢個樣懷疑我呃佢，完全無覺得唔好意思🫤。
就係因為上面依件事，所以我就決定走返上嚟長篇大論打咗呢篇文出嚟🙂希望幫到大家。
