慢煮屋 (已搬遷) 新店位置

最近唔少黃店紛紛結業😐，慢煮屋其中一間最近都冇做，而家只係剩返駱駝漆呢間。一場嚟到，當然要食牛，我叫咗慢煮牛肉配名古屋風味拌麵。牛肉份量算多，每片薄切有牛味，肉質嫰滑帶粉紅，夾埋醬汁同蔥花一齊啪入口，好滿足。拌麵配料有牛肉碎，溫泉蛋，蔥花，海帶，洋蔥，鰹魚碎，飯素等，好豐富，由於我較重口味，食嘅時候將成碟醬油撈哂落去，味道剛剛好，好食😋。如果要挑剔，就係呢度竟然播年青人偶像蘇永康嘅歌🥴，真心幾趕客，希望店家多加注意。