影片
更多
2021-07-23
117 浏览
與差不多成年無見嘅友人終可飯聚，而飯聚現場係呢間法式餐廳，無論環境氣氛及食物都岩FEEL與友人暢談，有杯酒一邊傾一邊飲係開心D嘅，侍應介紹呢支法國白酒Alsace Pinot Gris，口感滑口酸爽，CHEERS.............搭配魚類或海鮮類都唔錯，一於咁話，開始上菜以蘋果白蘭地忌廉汁煮蜆就成就呢客新鮮大蜆鍋 ，加入大量番茜，食前再唧少少檸檬汁提鮮蜆肉鮮甜無沙，醬汁幼滑，味道唔會過濃，食晒先突然諗起可以用薯條伴食..................呢客煎封大西洋鱈魚，擺盤相當吸睛，果然係法式餐廳出品，對美學多一份執著成份鱈魚份量夠二人分享，配以露荀，菠菜，青豆蓉及番紅花忌廉汁鱈魚肉質必然滑溜，外面輕輕煎香，外脆內滑，輕輕咀嚼已可吞下，灑上少少黑椒碎調味，伴埋個青豆蓉一齊食亦得!估佢唔到呢度都食到OMNI新膳肉丸，一客九粒塞滿左了隻碟植物肉丸配香辣地中海醬汁，肉丸外層經過香炸處理，食落多一份香脆感，"肉"質都幾似真肉，加埋惹味醬汁，增加食慾，就算食幾粒都唔會"濟"!要食D飽肚嘢，呢客法式風味漢堡配薯條又點睇呀?!選用法國芝士包圍住黑安格斯牛漢堡，咬落肉汁流出焦糖甜洋蔥代替咗蕃
與友人暢談，有杯酒一邊傾一邊飲係開心D嘅，侍應介紹呢支法國白酒Alsace Pinot Gris，口感滑口酸爽，CHEERS.............搭配魚類或海鮮類都唔錯，一於咁話，開始上菜
以蘋果白蘭地忌廉汁煮蜆就成就呢客新鮮大蜆鍋 ，加入大量番茜，食前再唧少少檸檬汁提鮮
蜆肉鮮甜無沙，醬汁幼滑，味道唔會過濃，食晒先突然諗起可以用薯條伴食..................
呢客煎封大西洋鱈魚，擺盤相當吸睛，果然係法式餐廳出品，對美學多一份執著
成份鱈魚份量夠二人分享，配以露荀，菠菜，青豆蓉及番紅花忌廉汁
鱈魚肉質必然滑溜，外面輕輕煎香，外脆內滑，輕輕咀嚼已可吞下，灑上少少黑椒碎調味，伴埋個青豆蓉一齊食亦得!
估佢唔到呢度都食到OMNI新膳肉丸，一客九粒塞滿左了隻碟
植物肉丸配香辣地中海醬汁，肉丸外層經過香炸處理，食落多一份香脆感，"肉"質都幾似真肉，加埋惹味醬汁，增加食慾，就算食幾粒都唔會"濟"!
要食D飽肚嘢，呢客法式風味漢堡配薯條又點睇呀?!
選用法國芝士包圍住黑安格斯牛漢堡，咬落肉汁流出
焦糖甜洋蔥代替咗蕃茄位置及醬汁，爽脆生菜及火箭菜加入黑醋汁撈好，酸甜味起到中和肉嘅固有膩感嘅作用
成個漢堡整體感覺"輕盈"過美版，有點人如其飽............哈哈....!!
食緊薯條又叫多杯熱情果冰茶，充滿香甜熱情果味，加入幾片羅勒簡直係神來之筆，成杯飲品可清一清味蕾，迎接甜品嘅來臨
法式餐廳用餐，甜品必食應該係可麗餅，咁多款選擇之中，呢客火燄橙酒可麗餅，可謂視覺與味覺共存! 侍應淋上橙酒再點火..........WOW.......
趕上雲喱拿雪糕球溶掉前快快起動，軟棉可麗餅索入橙酒，陣陣酒香味都頗濃，香橙配雪糕，用可麗餅包住一啖放入口，正呀喂!
张贴
