Odelice! (PopCorn 1)

之前去法國旅行都好鐘意去小酒館用餐，可以品嘗正宗地道嘅法式味道返到香港都好想搵間走巴黎小酒館風格，價格又親民嘅餐廳回味一下餐廳由法國人主理，以傳統法國菜食譜為基礎，創作一系列融入亞洲風味的家庭式法國料理店內座位寬敞，充滿法式情調，感覺置身於巴黎大街小巷上的小酒館一樣無論情侶晚餐、朋友或家庭聚會都係一個不錯嘅好選擇食物方面:BISTRÔT SET 晚市套餐包括餐湯、小碟及主菜餐湯 : 是日餐湯係節瓜薯忌廉湯，味道清新，配埋口感軟硬適中嘅酸種麵包及海鹽牛油就係最好嘅配搭大蝦尼斯沙律 : 大蝦爽口彈牙，搭配烚蛋、車厘茄及多款新鮮脆口沙律菜，味道清新法式點心拼盤 : 點心拼盤有迷你蛋批、蟹肉他他迷你撻、炸煙肉忌廉芝士球、西班牙火腿、三文魚肉醬及法包，迷你蛋批香味濃，蟹肉他他迷你撻充滿蟹肉，味道鮮甜，炸煙肉忌廉芝士球口感酥脆，內有煙肉、洋蔥，再配埋底部辣味沙律醬，非常香口惹味，將西班牙火腿及三文魚肉醬放上法包一齊食，夠曬美味香橙油封鴨腿 : 油封鴨腿外層香脆，肉質鮮嫩，好容易就可以將鴨腿肉拆出來，配埋西蘭花苗及燒薯粒，蘸上少少香橙汁就夠曬惹味黑豚帶骨豬鞍 : 豬鞍夠曬大塊夠曬厚身，肉質嫩滑鬆軟，

成間餐廳好有法式情調，用咗好多鏡做裝飾，座位寬敞，食物同服務質素都好高👍🏻已經唔係第一次嚟㗎啦，去唔到法國就嚟呢間食吓嘢解下癮。Set dinner都幾抵食，有唔同嘅配搭，兩個小食加兩個主菜，從今日餐湯都係由五百零蚊起。兩個人食，我覺得已經好夠。提早訂咗仲可以有折。🥔薯仔湯個湯好creamy,好香濃嘅奶油味，薯仔好滑，非常足料。🧀流心水牛芝士
圓碌碌嘅水牛芝士好可愛🤣水牛芝士好滑，比較淡味，但配埋咸香味嘅西班牙火腿同水蜜桃薄片啱啱好，清新得嚟又香口。🦀蟹肉，芝士菠菜意大利雲吞勁多蟹肉，好足料嘅芝士菠菜意大利雲吞，配鮮檸牛油汁，帶出蟹肉鮮味，又唔會太漏。🍷紅酒燉牛面頰🥩薯蓉好香滑，啲牛面頰肉超滑嫩，入口即溶，配埋紅酒汁非常香口，食到停唔到口。🥞火焰橙酒可麗餅最後食埋個橙酒可麗餅，酸酸甜甜，超級滿足。🌟🍹 Sangria Blanche見佢哋有個bar 枱，叫左杯Sangria，超多果肉，有芒果、蘋果、橙、士多啤梨、菠蘿，本身叫咗一杯，朋友見咁好飲都再叫多杯。總體服務非常之好，侍應耐唔耐都會幫手加水，食物又非常高質素。環境舒適坐得舒服，好適合同朋友一齊摸吓杯底，傾吓偈。

Popcorn的Odelice！是自己最愛的其中一間餐館，法式小餐館氣氛輕鬆自在，用色簡潔分明，很適合與友人聚會。 二人餐可選兩個頭盤或甜品，加兩個主菜，再加餐湯餐包，選項既多，份量又足夠，是次與友人邊講邊食，用餐足兩小時有多。忌廉磨菇湯磨菇湯內有很多磨菇碎，入口順滑，味道幽香濃郁。法式點心拼盤點心拼盤每樣兩件，細細件賣相精緻，可以每樣各試一點。流心水牛芝士流心水牛芝士，外觀完美白滑，味道濃郁，柔軟多汁，入口即化，配上西班牙火腿、火箭菜、水蜜桃及樹莓油醋汁，芝士清爽富有彈性，奶香滿佈口腔，簡單美味，是絕佳開胃菜。 阿根廷安格斯牛脊肉安格斯牛脊肉三件厚切五成熟，生熟程度剛剛好，肉質細緻嫩滑，脂肪不多，配鴨肝白蘭地汁豐富了味道，燒薯粒十分香口。原隻烤龍蝦原隻波士頓龍蝦切半加忌廉芝士烤香，味道原始簡單。底下燒薯粒配上龍蝦番茄汁，令人食不停口。Sangria Blanche西班牙橙酒加白葡萄酒，再加上生果粒，入口甜美。Mango Tango龍舌蘭酒加芒果汁，杯邊沾上辣椒粉，味道帶點刺激。

同老細拍拖食法國菜🇨🇵，今次揀咗將軍澳PopCorn嘅Odelice!，之前响沙田分店試過唔錯，今次近近哋再encore。店內環境幾有格調，銀藍色主調加埋高樓底，坐得唔逼，啱晒慢慢食談吓心。 🤭😍🥗頭盤兩款：Burrata水牛芝士沙律幾驚喜，黑醋酸汁醒胃，芝士軟滑，配埋火箭菜同甜蘋果，口感同味道都豐富。🍳香煎帶子火候掌握得啱啱好，表面微焦，咬落彈牙，底下嘅奶油韭蔥醬，醬汁香濃但唔膩，值得一讚！🥰👍🏻🥣三文魚薯蓉韭蔥湯係驚喜位，無忌廉反而更突顯魚味同薯仔香，飲完唔會滯住個胃。跟湯法包烘得脆身，搽埋牛油食好正。 韭葱（leek）响法國菜常用於湯、燉菜或配菜，味道溫和帶甜，質地軟嫩。經典如奶油韭葱湯（Vichyssoise），成日都會同海鮮、肉類搭配，用嚟提味，屬法式料理基礎食材之一。 🌮主菜嘅蕎麥薄餅好有特色，風乾豬面肉脆得嚟帶豐富油香，配埋帶子同韭蔥忌廉醬，鹹香得嚟有好特別嘅風味。🍛海鮮意大利飯用龍蝦汁煮，飯粒吸晒精華，蝦同蜆肉新鮮，不過如果飯再硬身少少會更啱我口味。 飲品方面，Mango Tango最impressive，龍舌蘭酒底加咗芒果汁同辣椒粉，酸甜中帶微微刺激，酒味幾濃，飲

又到十二月Party time !!🥳每星期都約朋友聚會呢晚就去左Odelice 食精緻法國菜🇫🇷.💫Set for 2 ($538).🌟Soup and Ciabatta呢日嘅餐湯係紅菜頭湯 🥣蔬菜湯係濃湯質地 非常足料最特別係湯加入左果仁 🥜令口感更豐富 好有驚喜配埋牛油加Ciabatta 麵包好好味🧈🍞.🌟Roasted Bone Marrow 前菜方面我地點左烤牛骨髓🦴呢道菜唔常見但好好食😋餐廳提供左小匙𢳂起牛骨髓再塗上麵包調味料同骨髓嘅香味好夾 配麵包一流仲有啲沙律喺底 添上清新🥗.🌟Whole Grilled Lobster (+$135)芝士龍蝦彈牙滋味十足 龍蝦鉗都開左好易食🦞仲配左蕃茄汁煮蔬菜 用酸種麵包點醬食🍅非常開胃又唔膩.🌟Argentinian Angus Tenderloin (+$55)安格斯牛脊肉要左medium 🥩肉質粉嫩仲好軟腍！醬汁同平時啲Gravy 唔同 點左絕對有畫龍點睛嘅效果一口大小嘅煎薯仔都好香脆🥔.🌟Christmas Chestnut Log見到呢個聖誕特別版甜品就俾佢吸引左🎅🏻🎄用左當造嘅栗子蓉做嘅樹頭蛋糕🌰口感實在 味道都唔錯 小紅

做完嘢之後有個break想搵個舒服嘅地方飲杯咖啡差差電見到呢間餐廳嘅煮食價錢都合理就試試呢一間嘅lunch set🍽️🥗凱撒沙律沙律菜都算係新鮮嘅程度略嫌差小小菜嘅鮮甜味沙律醬類似係迷迭香嘅味道做到吊味嘅效果～整個層次都鮮明好多🍝風乾豬面頰卡邦尼意粉見到佢哋好地道用咗豬臉頰去整都幾期待😋但係食落就唔推薦了🥲豬臉頰肉真係偏少可以話係幾粒仔意粉同我expect嘅味道唔一樣🥹無咩蛋黃同埋忌廉嘅香味偏乾身同埋食咗幾啖已經覺得濟☕️ Cappuccino本身想叫mocha但無得跟餐要用原價然後個日要走幾場meeting所以揀咗Cappuccino 💤 上菜時見到賣相幾開心❤️相對都算靚嘅咖啡味道就同一般飲到嘅差唔多無咩特別驚喜🤐呢餐大約$113我就覺得可以食其他餐廳會更開心🧐

呢間法式餐廳非常平民化，二人套餐都非常抵食，首先會有餐包同是日餐湯忌廉甘筍椰子湯。火腿芝士拼盤🥓🧀拼盤有法式火腿、西班牙火腿、康堤芝士、reblochon 芝士，兩款火腿同芝士可以混合配搭嚟食，可以食到唔同嘅鹹香味道，又或者配埋麵包一齊食。Canapés Platter法式點心拼盤🥧法式點心好少機會食到，所以今次一上枱就已經有特別嘅感覺，款式方面有炸黑松露球、法式芝士蛋批、蟹肉酥、仲有三文魚肉碎醬配合麵包一齊食，每一款都有獨特嘅口感同味道，非常值得一試！煎鴨肝油封鴨腿意粉🍝鴨肝好大嚿，煎得好香口，油封鴨腿份量都好多，配以意粉一齊食，口感上非常滿足！阿根廷安格斯牛脊肉🥩牛脊肉揀咗三成熟，所以肉質非常嫩滑，配菜方面有法邊豆、燒薯粒，份量一啲都唔吝嗇，重點推介係旁邊嘅鴨肝白蘭地醬汁，估唔到同牛肉咁夾，超出色！Japanese Mule🍹呢杯Cocktail係由gin酒同提子甜酒，混合紅茶，再加水蜜桃糖漿調配而成，入口紅茶香味撲鼻而來，之後酒嘅味道慢慢滲出來。Blueberry Mojito🍸Mojito平時就飲得多，藍莓口味嘅都係第一次試，入面有粒粒藍莓，薄荷葉同青檸嘅味好出。

Odelice 法式餐廳位於將軍澳的中心地段，以其正宗法式美食和溫馨的用餐環境吸引了眾多食客。餐廳的設計結合了法式典雅與現代元素，讓人一踏進便能感受到濃厚的法國情調。暖色調的燈光搭配精緻的桌椅和簡約的裝飾，營造出舒適而溫馨的氛圍。牆上掛有一些法式藝術畫作，增添視覺上的趣味。背景音樂輕柔，讓人感覺放鬆，非常適合情侶約會或家庭聚餐。服務人員態度親切且專業，為整體用餐體驗加分-🇫🇷BISTROT SET 晚市套餐有餐湯、自選頭盤、主菜及甜品 ，每道菜都展現了法國料理的細膩與創意-🇫🇷Soup🔸Carrot Coconut Soup 🥕 🥥 胡蘿蔔椰奶忌廉湯口感順滑，帶有清甜的胡蘿蔔香氣，椰奶的加入讓湯更加濃郁和飽滿。搭配法國餐包，更顯精緻-🇫🇷Starter 🔸法式田螺6件以法式傳統手法製作，香蒜與奶油的味道完美融合。田螺肉質細嫩，每一口都充滿香味，非常值得推薦-🇫🇷Main Course🔸法式烤黃雞半隻黃雞烤得恰到好處，外皮酥脆，內裡鮮嫩多汁。搭配薯蓉和松露野菌醬汁，味道層次豐富，令人難忘-🔸澳洲和牛牛脊肉牛脊肉煎得非常均勻，入口柔嫩，佐以鴨肝白蘭地醬汁，香氣十足。迷你甘筍和薯蓉作為配菜，

去將軍澳睇完戲就見到呢間餐廳，同老公撐枱腳，食完真心覺得食物出乎意料嘅高質，唔止食物有質素，連飲品都有好多選擇，今次就一於飲返杯紅白酒配牛扒食。套餐有好多唔同選擇，前菜我哋點咗牛油煎帶子，煎得好很好開胃。主菜加少少錢食咗黑豚豬鞍仲有安格斯牛脊肉。豬鞍我最鍾意佢嘅醬汁，好濃郁同埋南瓜醬好夾，提升到豬的味道。牛脊肉非常有驚喜，因為肉質好軟，而且好有牛味，仲有大量薯仔同埋蔬菜，炒得好香，真係比起出邊好多steak house做得更好，但價錢就平好多了，所以老公已講明會為咗呢碟牛再嚟食多次。甜品點咗蘋果肉桂味crepes，好香好清甜，新鮮做起，熱辣辣好好食。原來星期一至五仲有唔同嘅推廣，下次一定要再試埋其他嘢。

將軍澳法式餐廳大家都知道法國餐廳一定唔便，今次路過將軍澳popcorn商場 地理位置超級方便.見到間餐廳做緊2人晚餐538hkd2位 有餐湯+小碟和主菜這個價位在法國餐來說絕對值得一試小碟選了香煎帶子2件和法式點心拼盤+30hkd法式點心拼盤有5款小食（炸黑松露蘑菇球/西班牙白毛豬火腿鹹香送酒一流/菠菜芝士蛋批/法式撻/三文魚碎配麵包）各2件份量驚人主菜選擇了阿根廷安格斯肉眼扒（+50hkd）和原支烤龍蝦（+135hkd）肉眼扒配薯條，7成熟有碳香味，軟嫩多汁龍蝦肉質緊實彈牙配上芝士一口下去回味無窮.配上薯角配番茄醬汁我

之前一直經過想試下，今次朋友慶祝終於去食下，餐廳情調好好，可以食野同傾下計😋仲有坐得舒服，我見顧客都幾多係外國人😆我地要左BISTROT SET for Two入面唔揀前菜可以揀甜品😍仲要勁多款式可以揀🥰主食方面，當然唔少得佢地嘅招牌菜🤭🩷餐湯好香❤️🦐燒蝦尼斯沙律🥗入面好多大蝦😋沙律菜都勁新鮮❤️🦐海鮮燴飯，粒粒意大利飯都好入味😍仲吸收埋海鮮嘅精華，入面有虎蝦，黑青口同蜆🤩海鮮大大隻☺️🐮阿根廷安格斯肉眼牛扒配薯條加忌廉肉汁😍肉眼份量都多😆煎得岩岩好😍帶油香，口感肉嫩😋薯條熱辣辣香脆🥰🍎蘋果玉桂可麗餅🥞可麗餅味道好香玉桂味😋蘋果餡好香甜😎🍹Winter Cranberry Fizz由熱情果，小紅莓汁，蘇打水組成🥰色澤好靚，好清新🤭🍹Frozen Tropicolada 沙冰入面菠蘿，香蕉，椰奶組成嘅沙冰❤️菠蘿同香蕉好夾，好香奶味🤩

今日去左Popcorn間"Odelice!" 食晚飯，叫左個二人餐：有2個餐湯+2個小食+2個主菜+2杯飲品～餐湯係粟米湯，比較稀，但啖啖都有粟米蓉，作為餐前湯幾好。小食叫左"法國田螺"&"火腿芝士拼盤"～田螺不過不失，味道比較淡。反而火腿芝士幾吸引，芝士份量足，可以for哂全餐所有多士用～主菜叫左"香橙油封鴨髀" & "阿根廷安格斯肉眼牛扒”。牛扒5成熟岩岩好，juicy肉味夠～鴨髀有驚喜，肉質嫩滑冇腥味，配埋既焗薯粒都好入味，最緊要唔粉，掃哂～～餐飲叫左“Blueberry Mojito” &“Japanese Mule”。Blueberry杯野好清新，用新鮮藍莓+薄荷，零藥水味～基本上食物都不錯，餐廳環境又舒服，可以慢慢歎～

呢間餐廳以藍色為調，牆壁有法式字畫，環境感覺舒適，好有氣氛啊💙我哋叫了二人晚餐：Day of the Soup南瓜湯🎃：湯好濃郁 ，creamy👍烤牛骨髓：牛骨髓再加上蒜香調味料來烤焗，再配合脆口麵包一齊食，口感層次豐富💕Ribeye & Fries：我地叫左medium，肉質好滑又幼嫩，牛肉味仲好濃郁👍食得好滋味原隻烤龍蝦🦞：用上芝士🧀忌廉烤焗原隻龍蝦，龍蝦肉質厚實彈牙！ 配上蕃茄醬汁酸酸地好開胃呢！法國黑朱古力慕絲： 上層有海鹽焦糖、杏仁，加上又滑既忌廉同濃郁黑朱古力慕絲，，帶有小小苦，平衡了甜味，口感絲滑，甜而不膩.Strawberry Frozen MOCKTAIL：成strawberry🍓, cranberry, lemon,酸酸甜甜好開胃Sangria🍹: 西班牙橙酒加白葡萄酒，再加上生果粒, 果味濃郁，好易入口

今晚同家人黎到呢間法國餐廳食晚飯，環境同氣氛都不錯。我地叫了dinner set for 2 包2款前菜及2款主菜，仲有餐湯和麵包。⭐️蘑菇湯配黑醋本身很喜歡黑醋的味道，意外地十分配搭蘑菇湯，很開胃的感覺。⭐️酸種麵包值得一讚是送上時還有熱度～個人喜歡浸湯一起吃，好味道！⭐️法式點心拼盤拼盤有6款小吃：蟹肉他他，三文魚醬，迷你蛋批，炸黑松露蘑菇球及西班牙火腿。上菜時侍應有簡單介紹各種款式，十分細心。個人最喜歡蟹肉他他，配搭少少橄欖調味，很清新的感覺。⭐️蟹肉，菠菜意大利雲吞最驚喜的是當中加了少少檸檬汁，令整度菜不膩，而且蟹肉份量極多，食到停不到口。⭐️阿根廷安格斯肉眼牛扒配薯條（忌廉肉汁）牛排外脆內軟，完全能鎖住肉汁，份量不少。⭐️巴黎式芝士蛋糕（水蜜桃味）cheesecake鬆軟及有淡淡的芝士香，不膩。

晚市套餐二人餐($538)1️⃣ 麵包同餐湯🍄🍞首先上枱既是係餐前面包同蘑菇湯🥖🍄餐湯係蘑菇湯😋 蘑菇湯超級驚艷😊勁濃稠😉似蘑菇蓉一樣🤩好似直接飲咗蘑菇既精華！🍄✨麵包外脆內軟☺️帶著淡淡麥香😉再沾滿濃湯😋🥖🤤 2️⃣ 法式點心拼盤🦀🐷🍄🥚🐟(+$30)蟹肉他他｜西班牙白毛豬火腿｜炸黑松露蘑菇球｜迷你菠菜芝士蛋批｜三文魚肉蘸醬配麵包一盤含有六種小食☺️蟹肉他他撻鮮甜可口🤩蟹肉充滿鮮味😇搭配酥脆撻皮😙口感豐富有層次🦀💥 西班牙白毛豬火腿鹹香誘人🐷🤤 炸黑松露蘑菇球外酥里嫩🤓表面鋪有黑松露醬🥸蘑菇鮮美🍄✨ 菠菜芝士蛋批口感綿密😊批底鬆軟有蛋香味🥚🧀 最令mochicp驚豔既係三文魚蓉配麵包！🐟🍞 三文魚蓉非常新鮮😍肉質細膩😋而且肉汁豐富😎鮮味十足！搭配烤得酥脆麵包😍簡直係絕配！💖 3️⃣ 🔶原隻烤龍蝦🦞(+$135)絕對係今晚既重頭戲！☺️烤龍蝦份量十足🦞🤤 龍蝦肉質鮮嫩彈牙🤓烤得啱啱好😙保留了龍蝦鮮甜原味😊鋪在龍蝦上面既芝士更加係點睛之筆！🧀✨ 用芥末荷蘭醬汁焗😇食落香濃creamy😍4️⃣ 阿根廷安格斯牛脊肉(+$55)叫左medium 🥩肉質鮮嫩多汁☺️食落肉味濃🤗煎得外焦里嫩😍🥩🔥 搭配上香脆燒薯粒同爽脆