Amelia Hong Kong

营业中

休息中

Item: Amelia Hong Kong
Rating: 4
Author: BigZ852

609 食记

味道

环境

服务

卫生

抵食

38138

尖沙咀

$201-400

意大利菜西式酒酒吧

392

BigZ852

等级2

一個月前老婆已經指定要黎食呢間慶祝生日, 一黎之前食過lunch既semi buffet好食, 二黎有佢鍾意食既海鮮, 仲要係任食. 所以一早book定晚去食.
去之前一路係度睇其他人既review, 點知見到咁多負評, 有D仲好離譜, 睇到自己心都慌埋, 老婆生日慶祝有咩差池會比佢講一世... 本來都諗住轉第二度, 但已經太遲所以硬住頭皮搏一鋪. 試完之後, 我覺得有責任要係度出返個post比大家做reference.
講真, 好多人揀呢度因為D野食好食, 夠精細, 又有海鮮, 呢個價錢任食兩個鐘真係超抵既. 不過你精佢都唔笨, 佢有好多規則既, 所以唔好抱住去酒店食buffet既心態黎食.
第一, 好簡單, 雖然話120mins unlimited, 原來係120mins任你坐... 落order係90mins... 因為用手機落單, 一夠鐘就落唔到單, 所以要睇時間做人.
第二, 佢個menu分前菜, main dish, 同dessert. 前菜, dessert同drinks (無酒精)係用手機落單, 不過規則係, 每次落單只可以落4項, 落完一個order之後要等十分鐘先可以落第二次. 我第一次就係唔知, 幫自己落左個drink, 要等十分鐘先可以幫老婆order個Drinks... 成晚就係睇住個電話, 夠鐘即刻落order...
第三, main dish係要搵waiter 落order. 每次按人頭叫. 跟規則係要食完一碟先可以叫另一個order. 我個人認為呢個最伏. 我地第一次叫左兩份帶子, 都等左十分鐘度就用一個大碟裝住兩隻帶子送到黎. order十分鐘, 食唔使一分鐘, 就要趕住落第二轉. 所以我覺得個伏位係, 如果跟足佢咁order, 我地揀左最貴既plan, 可以揀既main dish有16款, 當佢十分鐘出到一個order (有D order好似豬牛羊個D會更耐), 而你又即刻唔使一分食晒再order, 90分鐘你只可以order 10個main dish, 如果你覺得好食encore又會少左個choice, 仲未計如果你add-on 個海鮮, 特別係食蟹腳龍蝦呢D要用時間食既野...
所以, 我地當然唔會等落order, 而係張檯一冇野就落定order先. 不過其實最多都係一次等四個order. 其實真係食唔晒. 所以我地冇揀海鮮add on 係明智既, 如果唔係Prime set 加海鮮, 加埋一都成千幾蚊一個人咁食法, 我點解唔去半島或者MO食buffet? 仲要唔使睇住個鐘食舒舒服服.
食物質素, 呢個應該係大家要睇重既野, 蟹腳龍蝦生蠔我冇食我唔評論, 不過見隔離檯order既都唔差. 前菜出色既有羅宋湯, 八爪魚. 沙律同雞翼一般, 薯條冇叫(會唔會普通左D?) Parma Ham 正常, cold cut 好大碟正常 (建議唔使叫), 尋晚白酒煮青口, 大既得3隻, 其他全部發育不良細隻既, 味道ok. 以為係cocktail shrimp點知原來係cooked shrimp with cocktail sauce, 分別就係要自己剶殼, 不過不失.
Main dish黎講, 燒鮑魚冇味, 燒虎蝦冇味 (應該係冰既), 得呢兩樣唔係好ok, 其他我試既main dish都唔錯. 兩個A5 和牛, 真係一流口感, 雖然我覺得佢四成同七成其實係一樣, 不過火口剛好, 軟綿綿冇根. 係油太勁, 食唔得多. 所以之後叫多份A4牛小排, 都唔錯肉味重D. 我覺得如果先食A4再食A5會順D. 帆立貝係我地叫得最多既, 因為好食, 重點係個sauce, 不過一次叫一粒真係有D麻煩. 北寄貝係我老婆最愛, 我覺得麻麻不過佢話好爽口新鮮又夠大隻.鵝盰都好食, 外脆內軟, 油份剛好(唔會似D A5牛咁膩). 乳豬好脆, 叫一份試下兩個share剛好.
Dessert全部都好好食. 我個人好鍾意佢個almond coffee gelato 同tirimisu (夠酒味). 星級cheesecake都好食.
最後埋單兩個人千六有找. 其實係食得有D急趕, 因為唔經唔覺就已經夠左90分鐘,想叫多杯野飲都唔得... 不過如果大家係想食精緻既野, 七舊幾水一個人, 有咁既地段, 食咁既質素, 過得去啦~