S2 Kitchen (已搬遷) 新店位置

未試過食嘢食到咁嬲。。呢間之前經過見到都想試吓，今日機緣巧合終於同友人嚟食。一入到去見到有牛舌串燒，好鍾意食，所以即刻嗌咗。之後嗌其他最出名嗰啲，例如係火山熔岩海膽炒飯、鮑魚龍蝦爆丼，全部冇。。。一係話啱啱賣晒；一係就話要早一日去訂。講真 如果唔係因為嗌咗牛舌嘅話， 我會即刻走人。xox然後我已經好無心情，就嗌左個羊扒串燒。頂！都冇⋯最後嗌咗三樣嘢就走。好彩啲嘢食味道都ok⋯不過價值係略貴，味道唔ok就廷執笠啦-.-所以係基本。另外好笑嘅係，侍應想從坐我身旁的遊客座位下拿東西，連基本英語都唔識，係咁指人上面同下面點到個遊客陀陀擰，唔知佢噏乜，成頭問號。遊客以為佢話佢唔好嘅嘢，雖然我好嬲，但係都幫手用英文同個遊客講，佢一明即刻起身俾佢搞。總之我覺得，除非你係超好耐性，如果唔係唔好幫襯呢間嘢，隨時激到嘔血。