西餐大排檔 (已結業)

西餐大排檔, 一個充滿矛盾的名字, 食西餐通常都正襟而坐, 於優雅環境享用, 而大排檔就熱熱鬧鬧食火喉十足嘅小炒幾味.懷著疑惑的心情踏進餐廳, 門口有霓虹燈光寫著西餐大排檔, 好有登上舞台感覺.入內好似去咗懷舊西餐廳感覺, 安頓後睇餐牌有二人套餐, 共有六道菜, 餐廳主打菜式都包括在內, 就叫一個二人套餐品嚐.先上重量級二人份量海鮮拼盤. 美國石蠔碩大肉厚, 入口非常creamy, 配香草汁食比較特別, 有清新感覺. 大蝦肉質結實配芥辣鼓油帶出鮮甜味. 磯煮鮑魚肉質彈牙濃淡適中. 日本刺身帶子肉厚鮮甜配甜味噌汁入口即溶. 聖子刺身爽口有嚼頭, 本身味道較淡配芥辣鼓油會比較合適.黑松露蘑菇湯有好多磨菇碎粒, 口感似食粥仔, 唔同一般西湯入口順滑. 黑松露味濃氣香, 份量略小飲落有啲唔夠喉.燒牛脷配蜜糖芥辣牛脷外型質感都同一般好唔同, 肉質十分鬆軟入口即溶, 點上芥辣可中和果種咸香味, 入口更加清新.松露煮日本年糕味道同黑松露蘑菇湯好相似, 但口感更加順滑. 日本年糕軟身味淡配霸氣十足味濃氣香嘅松露十分創新合拍.主菜正宗西班牙黑毛豬入口油潤焦香, 肉質充滿橡果味, 不愧為餐廳主打菜式.香燒