影片
更多
2017-10-11
352 浏览
當朋友話帶我去食西餐大排檔, 我初時聽到個名有些摸不著頭腦, 唔知係咩嚟, 一來到間餐廳, 原來個餐廳名稱叫做西餐大排檔. 座低睇佢的餐牌, 原來間餐廳都有唔少都幾特別的菜式, 仲有唔少酒類飲品, 很快, 我們已選定了幾款, 落了order之後, 可以舒舒服服座係度等食. 好快, 我杯朱古力紅豆冰上來, 好特別, 我都是第一次飲朱古力的紅豆冰, 見到杯底有厚厚一層紅豆, 而杯面有一球雪糕, 看上去很有懷舊feel, 待我攬均後啜一啖, 哇! 入口是好香濃的朱古力味, 又香又滑, 最後留在口腔中的是粒粒紅豆, 嚼下的紅豆, 又香又粉, 認真唔錯! 無幾耐, 頭盤吞拿魚沙律上枱了, 雖然間餐廳叫大排檔西餐, 但看他的食物賣相, 絕對不是大排檔級別, 非常的精緻, 但是菜式的價錢並不貴, 價格真的是大排檔級數, 我見到頭盤裡有數塊切到四方形的, 外皮已煎到金黃的吞拿魚放在碟的底部, 然後上面鋪了些青青綠綠的沙律菜, 沙律菜的上面又放了些大大粒金黃色的魚仔狀啫喱, 然後又有一層淺綠色的, 聞到有華沙比香味的醬汁在最上層, 看上去非常清新, 切開D吞拿魚食, 見到D吞拿魚外層全熟,
好快, 我杯朱古力紅豆冰上來, 好特別, 我都是第一次飲朱古力的紅豆冰, 見到杯底有厚厚一層紅豆, 而杯面有一球雪糕, 看上去很有懷舊feel, 待我攬均後啜一啖, 哇! 入口是好香濃的朱古力味, 又香又滑, 最後留在口腔中的是粒粒紅豆, 嚼下的紅豆, 又香又粉, 認真唔錯!
無幾耐, 頭盤吞拿魚沙律上枱了, 雖然間餐廳叫大排檔西餐, 但看他的食物賣相, 絕對不是大排檔級別, 非常的精緻, 但是菜式的價錢並不貴, 價格真的是大排檔級數, 我見到頭盤裡有數塊切到四方形的, 外皮已煎到金黃的吞拿魚放在碟的底部, 然後上面鋪了些青青綠綠的沙律菜, 沙律菜的上面又放了些大大粒金黃色的魚仔狀啫喱, 然後又有一層淺綠色的, 聞到有華沙比香味的醬汁在最上層, 看上去非常清新, 切開D吞拿魚食, 見到D吞拿魚外層全熟, 但中間仍然是魚生, 外熟內生的吞拿魚伴住沙律菜再加上華沙比汁, 食落口, 口中有沙律菜的索索聲, 有吞拿魚的香, 有華沙比醬汁少少的辛辣香甜, 哇! 非常的開胃. 第一道頭盤已帶起整個人的食欲, 非常期待之後的菜式了.
跟住上來的, 我覺得是這間餐廳的創意菜式, 我之前從來未食過, 這種搭配非常特別, 叫黑松露忌廉日本年糕, 淨係睇個名, 都會覺日本年糕與黑松露忌廉汁好似完全兩種唔同風格的材料, 但是卻是出奇的好味道, 日本年糕在黑松露忌廉汁的包裹之下, 又香又滑, 煙煙韌韌, 黑松露特有的香味令到本身淡而無味的年糕每一片都變得好有滋味, 好好的搭配! 好好的味道!
另外一道主菜是西班牙黑毛豬配番薯蓉, 厚厚的一塊豬扒送在碟中央, 旁邊有一團金黃色的番薯蓉, 薯蓉食得多, 番薯蓉伴碟又真是未食過, 首先我就挖了一匙番薯蓉來食, D番薯蓉好滑好香, 甜甜地, 好食到停唔到口. 而黑毛豬扒, 切開後見到是整塊豬扒是煎到全熟的, 但食落一D都唔鞋口, 肉質很嫩口, 非常有豬肉香味, 呢個西班牙黑毛豬扒真係值得推介俾大家, 豬扒及番薯蓉都是超好味道的, 贊!
食了頭盤及主菜, 味道都相當唔錯, 我諗它的甜品都唔會差, 果然, 我們order的香桃雪皅上枱後, 我見到的就是一個新鮮香甜的鮮桃, 桃的頂部已切開, 裡面桃肉已挖空並已釀滿桃肉雪皅, 我輕輕挖了一小匙來食, 好濃郁的桃味, 食落好清甜, 好似食緊桃肉, 但比桃肉香滑, 似食桃又似食雪糕, 製作得精細又非常地好食! 甜品果然無令人失望.
由頭食到落尾, 樣樣嘢食都令人驚喜, 食了個咁豐富的晚餐, 埋單真的是大排檔價錢, 2人共800多元, 真是好食兼抵食, 值得推介.
张贴
