西貢越南真味

营业中

休息中

西貢越南真味都算係我係西貢最鍾意既餐廳之一，有時屋企無飯食，都會叫越南真味既外賣返屋企食。今日終於黎左堂食，其實佢食物種類都幾多，除咗湯粉同飯之外，仲有法包，不同既越南小食選擇。今日就叫左半生熟牛肉湯河同牛肉法包牛肉肉質好嫩，有啲粉粉地色，剛剛熟。湯底先係主角，湯底濃郁，好甜，而且一啲味精都冇，飲完唔會口渴。河粉既份量都幾多，食晒一定夠飽。越式牛肉法包，材料豐富，有蘿蔔絲，青瓜，蕃茄，莞荽，牛肉，味道酸酸甜甜，幾開胃，再配埋脆口既法包，好味！