影片
以上资料只供参考，请与餐厅确认详情
食家推介
31/5端午佳节入西贡睇龙舟竞渡，区内仲有节日游戏摊档，老少一同玩乐非常热闹，充满节日气氛。在西贡市中心找美食，越南檬粉凉快是消暑皆品。就呢间 「西贡越南真味」啦！价钱较贵亦可试试。入内地方比较窄，通道只可以一个人行，冇乜视角靓境，坐低正对面就见厨房。假日没有下午茶，落单要了 「香茅牛肉捞檬」。食物相当吸引充满清新感觉牛肉都好多呀！有碎花生粒、生菜丝、青瓜丝、炸蒜、葱，加埋鱼露捞汁一齐…. 食指大动只是…牛肉咬落去都好实吓，要努力𡁻，仲食到香茅碎
继续阅读
适逢假日5.1黄金周，难得放假唔使反工就同老婆入去行下，咁经过间越南餐厅，睇佢啲相好似几正，就冲入去试下，念住叫牛腩河应最稳阵唔会太差，点知中伏，啲牛腩切到一片片但完全靱到咬唔到，又柴又干以为食紧牛肉亁，而我老婆都系叫反香茅厒扒，呢个就味道正正常常，叫入到口，但间野难食都唔紧要，仲要安排我坐系入面一个走廊位，对住厨房落单位，但佢地就不断咁出出入入系咁撞到我，环境差，食品可能牛腩唔掂其它唔知，钟意食牛既唔建议，
继续阅读
今日经过见到佢门口好多明星合照， 包括周润发，咁咪以为呢间舖头应该都几好食啰。我哋两个人一入去坐咗个近门口嘅 二人位，兼且落咗单。之后出面嚟咗女人话佢哋有八个人仲加只狗， 所以要坐门口位，要我哋调位畀佢哋坐。 咁我哋好人咪调畀佢啰。 我调位𠮶阵都已经同个店员讲咗「但我已经落咗单」叫佢帮手改返个枱号， 佢话ok。 但系之后啲菜一路都系上错晒， 去咗我哋原先坐(而家八个人)𠮶张枱谂住啲嘢食好食嘅话都唔紧要啦，但系 点知!!! 我哋嗌咗个二人份量火车头牛肉汤粉，加小食拼盘，加杯椰汁珍多冰。 个火车头 汤粉 啲牛柏叶 同牛肚 又韧又冇味， 都冇乜嘢值得赞㗎喇。 之后个小食拼盘𠮶啲虾饼系松散㗎， 一啲弹性都冇，第一次食到咁冇诚意嘅虾饼， 一间 没有任何赞赏嘅餐厅所做出嚟嘅虾饼、小食拼盘都会比佢出色。 而且佢啲春卷一咬落去就食到全部都系油... 仲要个店员唔记得比酱我哋， 要我问佢攞失有仲要食食下有只大头乌蝇系咁飞嚟飞去，呢间舖头卫生极有限总括而言无论呢间舖头嘅服务、定系食物质素都好， 都系 差! 完全唔值得畀加一佢啰所以唔好中伏，唔好入去!
继续阅读
去开西贡玩，晚餐在西贡市内揾食，记得之前嚟过一间食越南河。好好味，所以揾到呢间，加上呢间在香港仲有两间分店，以为系品质嘅保证，点知系咁唔好食的。我哋都叫咗半生熟牛肉汤河，一碗加左牛丸，牛肉系有少少牛味，食得出唔系雪到死的牛肉，不过有啲韧同鞋，不太好食，牛丸细细粒，好有牛味，不过加16元得4粒，唔太抵食 。酥炸鱿鱼圈真的很难食，不推荐，炸皮一啲都唔酥，咬落口系又韧和又硬的，亦食唔到一丁点鱿鱼味。我朋友话见到佢系来货的，拿出来放油炸现成的，下次不会再来。
继续阅读
去咗西贡越南真味试咗几样菜式，感觉都几好。首先食咗猪颈肉法包，包身松软，猪颈肉唔算好肥，但啱啱好，仲有啲蕃茄同青菜，吃落清新。接住试咗香茅猪扒饭，猪扒煎得香口，香茅味唔太浓，刚好唔会抢走猪扒嘅原味，饭粒亦几烟韧。最后系蕃茄牛腩浓汤饭，汤底酸甜适中，牛腩够嫩滑，蕃茄味带出咗少少酸味，整体配搭平衡。呢度环境都算舒适，服务员态度亲切。价钱方面，唔算太贵，性价比高。虽然唔系特别惊喜，但系每款菜式都唔会令人失望。如果钟意越南菜，呢度可以考虑一试。
继续阅读