泰道 (已結業)

西環出色小店新發現～～～食嘢係一種態度 所謂you are what you eat 所以我同大舊對食野一向都好執著 而呢一間泰道同我地最重視嘅飲食「態度」正好係同音字 所以引起我哋嘅好奇 想入去試下 究竟佢夠唔夠專業泰菜的態度😎～～～一入到去發現 wow 黃店黎嘅 正💛 店面雖然不大 但麻雀雖小 五臟俱全 檯與檯之間嘅空間都足夠 令人安心～～～我地坐低之後叫左青咖喱雞 烤餅 炸蝦餅🦐雞肉串燒 同兩杯青檸梳打～～～青咖喱雞 辣度啱啱好 雞肉嫩 而且裡面好多蔬菜 有西藍花🥦椰菜花 粟米芯 紅蘿蔔等等 非常健康又美味 烤餅夠脆又唔油 點埋青咖喱食就一流～～～炸蝦餅彈牙香脆 一樣係唔油膩 加上甜甜嘅醬汁 惹味到想黎多碟～～～雞肉串燒單食好似無特別 但點埋個醬汁就成件事唔同曬 醬汁裡面佈滿花生🥜 好有咬口 又香 令雞肉串燒味道瞬間變得非常出色 食一串 再配兩啖青檸梳打 美好嘅晚上就應是如此☺️～～～推薦度：🔥🔥🔥🔥🔥🔥🔥🔥店鋪：泰道 (西環)地址：西環西營盤西邊街2號悅心大廈地下D號舖