楚撚記大排檔 (日富里百好大廈) (已結業)

西環人氣港式大排檔🥢呢間楚撚記大排檔有三間分店，今次嚟咗西環分店。店內環境裝修充滿懷舊本土特色風味，平日夜晚嚟到，店內都已經好多人排隊，好受歡迎！金沙蛋黃九肚魚($98)呢一味都係食大排檔必叫嘅菜式！外層炸到好鬆脆，食落充滿鹹香味，內裏入口即溶！招牌炸大腸($108)係用咗菠蘿墊底，食落去好酥脆，唔會太膩，而且菠蘿仲可以解油膩！脆皮燒Bb鴿($68)外皮炸得好香脆，充滿鹹香！楚撚豬油撈飯($25)懷舊豬油撈飯，加埋豉油，食落去味道好香！