Woods (已結業)

Woods位於亞皆老街、黑布街轉角位，相當易搵！坐低後，店員推介生蠔Menu，＄188有半打生蠔同兩杯白／紅酒。有朋友唔飲得酒，其中一杯仲可以其他飲品。 美國生蠔，新鮮鮮甜，帶有濃濃海水味，少許Creamy，悶熱天氣中作為前菜一流！士多啤利奶昔，冰感重嗰一款，超解渴呢！白酒煮大蜆 ＄98大蜆每隻都好肥美，煮得剛剛熟，好嫩滑，而湯汁亦都好濃郁。意式蕃茄芝士Pizza ＄88經典嘅配搭，已經好好味，厚厚嘅餅底配上蕃茄芝士，拉絲感十足，好好味呀！西班牙海鮮飯 ＄198面頭除左有大蜆、蝦同蟹柳外，連飯內都帶蝦、魷魚等等，好豐富。飯粒較平時正常食嘅生，米粒應該係混和海鮮湯一齊煮熟，所以每口飯都充滿著濃濃既海鮮味。滴上檸檬汁，更加調到味呀！環境充滿著木既擺設，連坐緊既櫈都係原塊木頭，好Raw！