影片
更多
2019-08-21
212 浏览
今日黎到灣仔既福川 ，福川主打西日合壁既Omakase。無論大廚定係店員都好建談，雖然忙碌，但仍然會主動關心我哋嘅食物喜好，細心介紹每一款菜式，服務周到👍🏻食物水準亦相當之高，會為每一款食物精心調配特製嘅醬汁，味道豐富，處處充滿驚喜。前菜包括水雲醋，口感滑溜，味道偏淡，配合醋汁之後更加開胃。甜蝦配上矜貴嘅烏魚子，味道新鮮。而豆腐有淡淡既黑芝麻味，口感水潤，豆味香濃。牡丹蝦入口先係嚐到鮮甜，然後慢慢濃郁既蝦香溢滿口腔，原汁原味。鯛魚上既金箔帶黎奢華既視覺享受，捲埋酸汁啫喱一齊食用，新鮮甘甜之餘又帶點微酸，豐富既味道衝擊住我既味蕾，令人欲罷不能。大拖羅十分肥美，油脂豐腴，入口即融。壽司環節，八爪魚配埋魚子醬，口感香滑爽口，醬汁配搭得宜。金目雕油份較高，經輕輕炙燒過後更加香口，亦可減低膩感。兩款壽司都非常新鮮，係幸福嘅味道。魚內採用半煎炸既煮法，令到魚鱗香脆，而魚質仍然能夠保持香嫩。旁邊配有紫穌花，湯底係甘筍魚湯，係西日合壁之作。魚肉口感嫩滑，魚鱗脆卜卜兼有魚香，值得一讚嘅係師傅精心調配嘅醬汁，令味道更上一層樓。鐵板大蝦會配上特製嘅荷蘭汁，入面包括白酒、醋等等，係師傅嘅秘方。大蝦好香口，食落
前菜包括水雲醋，口感滑溜，味道偏淡，配合醋汁之後更加開胃。甜蝦配上矜貴嘅烏魚子，味道新鮮。而豆腐有淡淡既黑芝麻味，口感水潤，豆味香濃。
牡丹蝦入口先係嚐到鮮甜，然後慢慢濃郁既蝦香溢滿口腔，原汁原味。鯛魚上既金箔帶黎奢華既視覺享受，捲埋酸汁啫喱一齊食用，新鮮甘甜之餘又帶點微酸，豐富既味道衝擊住我既味蕾，令人欲罷不能。
大拖羅十分肥美，油脂豐腴，入口即融。
壽司環節，八爪魚配埋魚子醬，口感香滑爽口，醬汁配搭得宜。
金目雕油份較高，經輕輕炙燒過後更加香口，亦可減低膩感。兩款壽司都非常新鮮，係幸福嘅味道。
魚內採用半煎炸既煮法，令到魚鱗香脆，而魚質仍然能夠保持香嫩。旁邊配有紫穌花，湯底係甘筍魚湯，係西日合壁之作。魚肉口感嫩滑，魚鱗脆卜卜兼有魚香，值得一讚嘅係師傅精心調配嘅醬汁，令味道更上一層樓。
鐵板大蝦會配上特製嘅荷蘭汁，入面包括白酒、醋等等，係師傅嘅秘方。大蝦好香口，食落爽口彈牙，口感一流。
我第一次食鐵板燒會見到鹽焗鮑魚呢種做法，令到鮑魚更加入味，有淡淡鹽香，味道唔會過火，同時亦都保留原汁原味。而湯底既蟹肉海苔汁更加係誠意之作，係用瑤柱水煲過既冬瓜，所以冬瓜吸收曬精華，咬落去水潤多汁，口感軟稔。連醬汁都要食得一乾二淨，先唔會辜負師傅嘅心機。
-
接落黎係自家製既蘋果雪芭，甜度適中，用作清味蕾。
宮崎牛既肉汁四溢，只有十足既肉香，並無油膩既感覺。口感香軟，生熟程度剛剛好，配上芥茉一齊食用係人生一樂事。
炒飯粒粒分明，夠曬火喉，一啲都唔會膩。而野菜用左特製嘅牛油，所以會更加甜同爽口。
最後嚟到甜品嘅環節，芝士餅味道唔會過火，食落去係淡淡芝士味，尤其係餅底非常好食。啫喱則冰涼透心，而密瓜係我既最愛，甜美多汁，芬芳既香甜係口腔中不散，好幸福。今餐非常滿足，所有食材都非常新鮮，醬汁配搭得宜，令到味道更加多變化，好有驚喜。服務同食物都係高水準既餐廳，推薦大家都黎試吓。
张贴
