Cedele (已結業)

同肥髀去圓方睇戲，佢未食早餐，所以帶佢去呢間食，商場一角，無牆只有圍板，好開揚，黑白幾何圖形地板現淺木傢俬，感覺北歐家居！入內先去收銀落單，比錢後店員會比個呼叫器我搵位坐低，食品選擇西式為主，揀咗一個早晨全餐同肥髀一齊食！食品等一陣就有！自己攞餐具加調味料！All day breakfast($100)炒蛋配多士，另外四選二嘅配料（煙肉/香腸/煙三文魚/炒蘑菇）肥髀揀咗煙肉及煙三文魚，煙肉太硬，味道好鹹！煙三文魚微腥，唔夠新鮮，味道亦較木，唔出色！拌碟嘅蔬菜好老，又無沙律醬，好寡！賣相差，好亂糟糟的（呢啲叫隨意？）炒蛋唔滑，比較嚡！味道好淡，一定要加調味，多士有四款，我除了有提子嘅無食之外（我唔食有提子嘅包）其他三款都試咗，旋風朱古力包最好味，麥方包粗糙唔緊要，乾爭爭先差，普通方包一樣太乾，因為麵包櫃唔密封，抽晒啲水氣！雖然任夾，我都無再添食！完全唔吸引！Flat white(跟餐加$10）我堂食都比外賣杯，有啲失望，雖然打開膠蓋都有拉花，但拉花好粗糙，忌廉唔夠滑，雖然香味欠奉，咖啡易入口，唔落糖都可以！蜜糖柑桔（$22）現成樽裝，味道雖然偏甜，好在唔假，柑桔味清爽解膩！店員比較coo