Steak Bar (已結業)

相約三位朋友食晚餐，星期四的晚上太約7點左右，沒有人等位，沒有訂枱，walk in 即刻有位。不過最想食的吉列牛同板腱牛都話賣哂，於是就食住其他先。不過點餐時先知道每人最低消費要叫一個套餐，由於我們仨食量少，差不多每人都食剩一半，感覺限住每人一定要叫一個自己吃不到的晚餐，非常之浪費。叫咗安格斯西冷牛扒，五成熟，真係勁之難食，舊牛油到爆，牛肉冇乜牛鮮味，成塊牛好似放係一大碗油浸完再攞返上黎食的感覺，我一咬落去只感到好多油，同好難咬開的口感，好伏，加一收費成$284黎講咁樣質素極為不抵食至於友人叫的簿切牛肉，不過注意，燒板要斜，油傾埋一邊，都係一般般。環境方面，坐得唔太舒服，都幾逼，同隔離枱距離好近。服務方面，服務員不會主動拿水給客人，要出聲要求先會有，而且飲完都唔會主動問你要否加水，當然都係要出聲先會同你加。總結：考慮到價錢，服務，環境，食物質素，下次絕對不會再黎食，太唔掂喇。