3rd Space (已結業)

今日天氣特別熱，去咗西高山行山，沿路落返去上環，就心血來潮，好想試吓佢嘅麻糬pancake甜品！！招牌燒海鹽忌廉麻薯班戟北海道牛乳雪糕及水果黎到必點嘅甜品之一，記住先要喺邊邊切一個角落，品嚐一下pancake嘅原味，再從中間深深切一刀並夾埋麻糬放入口！Pancake 有如疏乎厘嘅鬆軟，蛋香好重，今次叫左花生醬煉乳口味，花生醬嘅乾涸已被整個甜品嘅濕潤度降低左不少，煉乳嘅甜膩配上原有嘅海鹽醬，味蕾完全被驚豔！整個甜品口感相當豐富，特別想稱讚一下麻糬軟糯得黎好易切，旁邊更曬上燕麥脆脆、花生粒和若干時令水果，配合埋雪糕嘅順滑同冰涼，成為夏日必試！塩燒西冷薄切牛排慢煮蛋穀米茶漬飯用上西式嘅烹調方法配合日式食法，令茶漬飯別具一格！先倒上清甜嘅茶漬，再拌上蛋汁，連燒汁一併攪勻，入口濕潤但依然食得米飯嘅煙韌～薄切牛扒黑椒味較重，但口感軟嫩！唔食牛嘅朋友，都有豚肉、雞肉、鰻魚嘅選擇(*¯︶¯*)皇室伯爵茶黑朱古力朱古力味相當濃郁， 但飲落伯爵味嘅清香慢慢滲透出嚟！職員亦都有係杯邊加上朱古力醬嘅掛杯，視覺效果非常吸引！皇室伯爵鮮果茶餐廳的鮮果茶並無加入糖漿，飲落好酸甜，而且相當清涼，水果而言，百香果味較為