入到去，環境比想像中闊落，唔會好迫，坐得舒服。餐牌選擇都幾多，花多眼亂，不過都係好事，證明有心做。我哋主力試咗佢啲串燒，畢竟叫得「燒烤堂」，燒物應該係招牌。
其中幾款真係值得推薦：鹽燒A4宮崎和牛🥩，肉質細膩，油脂分佈均勻，燒完之後入口即溶，牛味濃郁得嚟又唔會膩口，係上品。
鹽燒三黃雞腿肉🍗都好出色，雞肉鮮嫩多汁，外皮燒到微焦香脆，簡單嘅鹽燒反而更能突顯食材本身嘅鮮味。
仲有款比較特別嘅孜然豚肉莞茜卷🌿，豚肉卷住新鮮莞茜，配埋孜然嘅香氣，口感清新得嚟又有層次感，係估唔到嘅驚喜組合。
另外，鹽燒黃花魚🐟都做得好好，魚肉結實嫩滑，燒得恰到好處，無過熟，保持到魚本身嘅鮮甜。
雖然係日式串燒店，但亦有啲 fusion 菜式，例如牛油果豚肉卷🥑，牛油果嘅creamy同豚肉配搭幾得意，味道都幾協調。
整體嚟講，食物質素都維持喺高水平，份量亦適中，唔會話食幾串就飽到滯。講到服務，店員都幾有禮貌，上菜速度都快，服務細心。
埋單嘅時候，以呢個質素同份量嚟講，價錢都算合理，唔會話食到肉赤。性價比嚟講，我覺得係中上水平，值得再訪。
下次可以再試吓佢其他串燒同埋小食，睇吓仲有咩新發現😋
2
