綠茶餐廳 (創紀之城五期(apm))

营业中

休息中

自從上次去食過主打江浙菜既【綠茶餐廳】覺得quality幾好、今次就去左新開既apm分店食晚餐。龍井烤鷄：烤鷄皮脆肉嫩，外皮烤得金黃香脆，咬落去有少少龍井茶嘅清香，但唔算好突出。雞肉本身調味都已經好濃郁、鷄胸都非常嫩滑。份量適中，兩個人分享剛剛好。杭式片兒川：呢款係江浙地區嘅傳統麵食，湯底用雪菜、筍片同肉片煮成，味道鮮甜帶少少酸香，幾開胃。麵條偏軟身，類似上海粗麵，湯底有少少偏油。不過係幾特別。 野菜腐皮卷：豆腐乾皮包住菌菇野菜等，口感爽脆清新。呢道味道非常清淡，食落唔會油膩。土豆芝士塔：外層係酥皮，入面係薯蓉混合煙肉等，薯蓉幼滑。芝士應該係上層既醬、但個人覺得唔係芝士味反而似沙律醬。喉口鮮肉包：包既外皮鬆軟，咬開入面嘅肉餡都算多，帶少少甜味，類似小籠包嘅風格。不過汁水無禁多，味道算係唔錯。江南綠茶餅：全餐最出色嘅甜品！外皮炸得香脆，表面灑滿芝麻，咬開入面係芋泥餡，甜度適中，綠茶味清香搭配芋泥唔會太膩。熱辣辣上枱時食最好味。