誠信海鮮酒家 (裝修中)

上面個平語都04年啦,我早幾年去探親戚都有食過呢間,我認同果陣都可以叫做"好普通的一間酒家",不過我最近去探親戚見佢裝修咗,所以再入去食晚飯,感覺唔同哂,門口紅色,幾特別,離遠已經睇到,仲係巴士站隔離,好方便,裝修咗,地方乾淨好多,靚好多,服務好好,d野食好好味,又有好多海鮮揀(全部都係門口魚缸裡面嘅海鮮,新鮮架),其他小菜都好抵食,晚飯又冇加一,冇茶芥,一句講哂...抵食,值得再去...最尾食埋佢果度嘅鮮奶燉椰皇甜品,裡面係鮮奶同蛋白,但係一d都唔漏,好味!!