誠信海鮮酒家 (裝修中)

昨日晚上來到鴨脷洲食晚餐，慶祝人日。叫左幾碟小菜，味道同賣相都不錯！我尤其鐘意千島醬炸蝦球，賣相靚，蝦也很好食，配千島醬真不錯！👍🏻👍🏻昨日6點已準備食晚餐，坐低後再慶幸自己咁早到，因為昨日原來已經full booking～～

⬛️差差差差差.....算了算了算了.......約咗呀姨飲早茶，所以又去傾吓計、吹下水，呢區可以話熟又可以話唔熟，點解，因為無厘頭的我就係坐低飲啖🍵食個包😂😂😂————————經過就經過好多次，但就真係第一次入去飲茶，不過比我感覺係四差😅1-禮貌差😅2-地方差😅3-食物差😅4-衛生差😅5–價錢正常😅———————-碗碟係肥淋淋，用滾水淥幾次之後，再用紙巾再抹到無乜肥先至用，如果唔係呀姨話去呢到，我一定掉頭走😩———————-又無比個熱水壼我加水，又無人斟茶😩———————-🟫豉汁排骨：淋pat pat、唔好味——————-🟥豉汁鳳爪：味道一般、都係淋pat pat———————🟧鴨腳扎：雖然唔係淋pat pat，但就係唔好食———————叫咗三款食物咁差，都唔想再叫😩———————

秋高氣爽適合行山, 今天約了行山友到港島行山有朋友介紹去鴨脷洲邨誠信海鮮酒家午膳, 食品美味可口(正呀), 我們叫了薑蔥生蠔×2, 辣雞煲×2, 欖菜豬扒, 蒜蓉鮮魷, 魚香茄子煲, 味菜龍利柳炒河, 肉絲炒麵, 欖菜炒飯, 介菜煲及义燒燒味等...。限聚令下1行9人分3張枱座, 各人食到手指動據知燒乳豬都好正, 可惜要晚市才有, 下次一定再去試吓。似新裝修, 環境光猛, 地方清潔乾淨, 員工態度親切, 原來早上有點心食, 因我們下午2點才到所以點心已沽清

今晚家人為我太太生日，我們一行十人為了方便老人家 邊到香港仔鴨脷洲邨 的誠信海鮮酒家吃晚飯慶祝， 家姐負責點菜， 打比較正我口味， 點了多道我最愛的菜式， 還買了生日蛋糕，太太當然很開心。第一道是粟米魚肚羹， 味道不錯，魚肚及粟米嘅的分量令很有質感， 口感相當好。第二道菜是乳豬，乳豬皮脆香口， 配上乳豬醬或沙糖， 非常好味， 愛吃乳豬的我 和太太 都讚不絕口。第三道菜是麻油海蜇， 麻油味香，海蜇爽滑。第四道菜菠蘿咕嚕肉， 咕嚕肉的甜酸味很也很誘人， 菠蘿亦都予人清新嘅感覺，素來愛吃菠蘿咕嚕肉的我，人也忍不住多吃幾件，雖然很多次中式菜館都有菠蘿咕嚕肉，但誠信的菠蘿咕嚕肉的確很出色。第五道菜是西蘭花炒帶子， 帶子雪白幼滑， 以西蘭花的非常幼嫩， 用蒜蓉炒帶子西蘭花幾清而有保持到食物嘅原味。第六道菜是清炒菜心，菜心很幼嫩， 純粹清炒更能顯出菜心嘅原味。雖然菜式雖簡單，更顯廚師嘅炒功了得。誠信更送紅豆沙作為糖水， 加上侍應服務周到， 給人親切嘅感覺， 是一間值得推薦嘅小店。

奶奶生日我們習慣在誠信擺兩圍，招呼親友。我們是熟客，所以老闆和夥記對我們的服務態度也是不錯的，非常親切，還不時走來祝賀奶奶生日快樂。老人家非常高興。我們要了很多道菜，包括粟米魚肚羹、乳豬海蜇、西芹炒帶子 、沙律蝦、椒鹽豬扒炸豆腐、油鹽水浸菜心、蒸魚還有伊麵等。每碟餸都十分有睇頭 ，大大碟，份量十足。味道也不錯。最後奉上壽包和糖水。壽包需要預訂，又大又好味。奶奶和親戚們都非常滿意。誠信果然是平民食堂、街坊好去處。平民設宴也絕不失禮。這些菜色，兩圍也只是四千多元，也算抵食。

事源要搞英雄宴，去左灣仔富臨格價1700一枱左右，但原來要旺屋，所以要去附近誠信，最後1980一枱。送白飯，(甜品/汽水)，而富臨就無送白飯(但有e面加炒飯)。但估計誠信係大碟啲既，所以可能兩間差唔多抵食(以飽足度計)唯一欣賞既講完，就講講不滿。一開頭問價既時候，太子(事後先知係老闆)話送白飯同甜品，咁佢就立即print一張八個餸既紙俾我地。好似好求其咁。咁佢地又係做街坊生意既，無print定都正常既。問佢有無平啲，就求其話會改左雙尾班變做粟米班腩，咩都cheap d 咁囉。要求佢俾兩個餐單俾我拎走，好等老人家選擇。但佢最後堅持只俾貴既餐單我地。不過因為唔知點解海怡哥度係7個餸，連基本都唔達標，所以無得揀既情況下，唯有去誠信啦。英雄宴哥日，去到食完八個餸之後就話無甜品，死話係我地聽錯 (五個員工，一人一句，講話 "無可能答應過我地有甜品"之類既說話)，係送汽水，唔送甜品。其實google下都知，不論係解穢定英雄，都一定有甜品。所以推論佢當初俾既餐單，真係一份無誠意既"英雄宴餐單" 求其幾個餸加埋就算，唔係set定既餐單。講好左送甜品，又唔送最後罵左十分鐘先求其俾個全部人都覺得唔好食，唔

這家酒家已經成了我們每周末必到用膳之處，它的好就在真的是街坊生意，價格實惠。我們經常吃的都是一些普通的碟頭飯或炒粉麵，但每次都能很滿足地離開。有時餐牌上沒有的飯，我們也可以提出要求，當然都是一些大眾化的菜式而已，酒家總能滿足我們的要求，而且不會漫天要價。羅漢齋炒麵，麵底炒得香脆，羅漢齋雲耳夠脆，枝竹夠腍，味道很好。叉燒薰蹄雙拼飯，飯的香味真是令人流涎，叉燒的蜜汁恰到好處，我只吃瘦叉，卻一點也沒有乾硬的感覺，反而又香又軟，薰蹄是女兒吃的，她也是邊吃邊讚。

今年的父親節, 應我夫婦二人的要求, 女兒乖巧地帶我們去這家位於隔壁屋邨的街坊酒家飲茶, 一碟雙脾飯有一隻雞脾和一隻燒鴨脾, 售價38元, 吃得老公眉開眼笑, 心滿意足, 我們吃的豉椒鮮魷炒麵兜亂, 鮮魷無甚味, 份量偏少, 45元的售價, 本人認為略有不值. 過往吃的蒸魚飯和麻婆豆腐飯卻是我的最愛. 該店的好處在於純做街坊生意, 而且價錢合理, 份量絕對對得起價錢！就是餐牌上沒有的東西, 大眾化的飯菜, 只要提出要求, 都能做到. 而且不會漫天要價.一句話：是街坊的好食家！

這是爸爸的飯堂，為了遷就他老人家，所以迫住常常來這裹用餐。爸爸說他轉了幾次廚師，最近呢個廚師做菜質素比較穩定。最近呢次叫了粟米魚肚羹，琵琶豆腐，粟米斑塊，西蘭花帶子，誠信小炒等。佢啲小菜勝在大碟粟米魚肚羹　﹣粟米是罐頭貨吧，不過魚肚沒有腥味，加上蛋絲，一大碢，加了胡椒粉後就好好味。琵琶豆腐　﹣饟了魚肉的豆腐炸得金黃熱辣後加上冬茹蠔油汁，有幾條菜心伴碟清清油膩。西蘭花帶子　﹣西蘭花鮮綠爽脆，帶子也很新鮮，這個很快就被清碟。誠信小炒　﹣有西芹，豆角，腰果，青椒紅椒黃椒，白果等，腰果幾脆口，係新炸的，這餸送飯是好配搭。粟米斑塊　﹣斑塊的粉過厚肉太少，一咬就成口脆皮，粟米汁個味係典型的味道，還可以。飯後會送糖水!如果想食中式小菜，這裹其實也算便宜可口。

上會係這兒吃晚膳，評分一般。今回一試這兒的飲茶時段，評分不及格。點心款式很少，約二十款吧。賣相味道很一般。蒸點還可以，炸物完全唔得，全部冷冰冰的！另外，服務近乎零，沖水也要自己來，有很大改善空間。

昨晚到誠信酒家吃晚飯，店址位處鴨脷洲邨，屬街坊食店，裝潢佈置OK，但地方較迫。全日免茶免加一。食物方面，點了數款小菜。粟米魚肚羹：普通。焗砵酒鱔球：頗細碟；餸菜明顯是炒出來的，不是焗出來的；鱔球不是鱔球，只是鱔片，有碎骨；伴碟洋葱很生，辛辣味濃。和店方反映，卻沒有任何表示跟進。野菌粉絲肥牛煲：粉絲佔了大部份；整體味道可以。啫啫芥蘭煲：出品熱辣辣，味道濃郁。帶子琵琶豆腐：味道雖不俗，但和焗砵酒鱔球一樣，餸菜有點取巧。食來食去，還是不覺有帶子，和店方反映，同樣毫無反應，用誠信為名，確有點諷刺！

在6月5日晚上到誠信酒家同朋友晚飯，聽別人說有招牌菜之稱的艇王鮮班球及梨山骨，便叫了此2個餸，跟著又叫了3個街坊小食的涼瓜菜圃煎蛋角，百花釀豆腐及蝦干芹香撈粉絲煲，一共五個餸。首先來了個梨山骨，我這個大孩子一見有像小朋友喜愛似的雞肶狀的東西，立刻去拿一枝來吃，原來是豬肶肉及調味得可口的汁，很有口感及肉汁味OK。跟著便是招牌菜的班球，我和朋友也覺得是用新鮮班片、有芋絲、有靘菜拌碟。班片味道很鮮甜，但D汁有些辣味，我D朋友說正好吊胃口。蛋角這個菜也OK，名符其實住家餸。重有個百花釀豆腐，大人細路也啱的滑豆腐及菜及蝦膠，這個菜很清淡，正好中和一吓D肉食。最後是乾身及香口的粉絲煲，我的老友說蝦干要祇少100多元一斤，但我見此煲的蝦干又不會不夠吃，價錢也適中。今次是我在此裝修後首次吃晚飯，也不過不失，反而覺得招牌菜及梨山骨不俗。是晚是星期五，好彩早些到，要不然要等位了。我聽朋友說，因裝修後格局清雅，不怪得隨了街坊，也遇到我的同學從薄扶林駕車泊在屋村停車場來此處試吓。

上面個平語都04年啦,我早幾年去探親戚都有食過呢間,我認同果陣都可以叫做"好普通的一間酒家",不過我最近去探親戚見佢裝修咗,所以再入去食晚飯,感覺唔同哂,門口紅色,幾特別,離遠已經睇到,仲係巴士站隔離,好方便,裝修咗,地方乾淨好多,靚好多,服務好好,d野食好好味,又有好多海鮮揀(全部都係門口魚缸裡面嘅海鮮,新鮮架),其他小菜都好抵食,晚飯又冇加一,冇茶芥,一句講哂...抵食,值得再去...最尾食埋佢果度嘅鮮奶燉椰皇甜品,裡面係鮮奶同蛋白,但係一d都唔漏,好味!!

好普通的一間酒家, 勝在平, 不要抱任何期望。不過最記得, 去年年底去食飯, 食它的「百鳥歸巢」, 居然用腐竹代替炸芋製的巢, 偷功減料......親戚說那兒龍蝦好食, 不敢苟同了。冇味囉, 不如食芝士焗龍蝦好過。