大家樂 (已搬遷) 新店位置

呢間大記都開左十年左右，最近裝完修。呢日又唔知食乜好，就黎呢度食啦。星期六算係幾多人，真係一位難求呀！焗豬扒飯都唔知幾耐未食過，味道依然唔錯。豬扒好大塊，肉質又唔錯。豬扒又夠大份。焗飯係我最鍾意食既炒飯底，整得好好食，煙韌好味。豬軟骨拉麵我無乜點食，但我媽子都話普普通通啦，無乜特別既。我覺得個拉麵都係咁，唔係特別好食又唔係特別難食。楊枝甘露冰冰比青衣果間好飲好多，個色水都對既。而芒果味算幾濃，又多芒果粒，幾好。不過我都係鍾意珍珠奶茶多點。裝完修之後，希望食物既質素可以保持下去咁好。