燒肉 帝 (已結業)

餐廳全新裝修，除左室內既梳化位之外仲有露台位，鍾意吹住自然風食野野既就岩哂。裝修完之後，除左環境之外仲多左放題呢個選擇。放題分為A-E 5個set，豐檢由人，而且優惠期間皇牌Set C同D餐仲有買一送一，非常抵食👍除此之外只要揀C-E餐，仲有開業優惠送原野燒一客，如果有朋友生日仲會再送火山牛肉盤一份同你一齊賀壽～今次我就試左Set D，可以任點包括頂級 A5 日本黑毛和牛、特選 美國牛、澳洲牛、海鮮、刺身、小食、甜品等等130品美食。坐底時店員會放低個8層木架，上面有8款唔同部位既牛肉，包括封門柳、日式胸腹肉、牛肋條、牛舌、M6和牛板腱、M6和牛肩胛肉眼、M7和牛三角小排、M7和牛肉眼蓋，中間仲會有海鮮拼盤，淨係頭盤都已經好豐富。野原燒牛肉薄切而肥瘦均衡，輕輕燒一燒已經食得，配埋壽喜燒汁同生蛋黃一齊食會更加滋味。火山牛肉盤用M6 和牛肩胛肉眼切成火山既形狀，味道同打卡都一流👍👍