影片
港铁康城站 B 出口, 步行约3分钟
继续阅读
开饭介绍
以日本传统元素打造简约的工业风装潢；其招牌烧肉放题主打日本顶级A5和牛，另亦供应豚肉、海鲜、小食等多达120品美食。
继续阅读
营业时间
星期一至日
12:00 - 22:30
以上资料只供参考，请与餐厅确认详情
食家推介
-
牛胸腹
-
野原燒
-
蕨餅
-
特上肩肉
-
海膽牛柳飯付蒜味豉油+14
相关文章
608 浏览
问一个问题，商场「The LOHAS」究竟有冇意思？查字典就会知道 LOHAS = Lifestyle Of Health And Sustainability，这种「健康与可持续发展嘅生活风格」也是「康城」这个新社区嘅发展概念。不过，搬咗入将军澳区咁多年，睇住康城嘅发展，觉得Lohas 只是 gimmick；新社区当然有很多新规划及设计元素，但睇唔到究竟有几「LOHAS」。讲返「The LOHAS」，整个商场以日常生活所需定位，尤以食肆占大多数；配合大型屋苑商场，餐厅也以大众化及中档次为主。【烧肉帝】在2021年底开业时，竟然主打高级厨师发办日式烧肉，晚市人均消费$600起表！要食这个价位的日式烧肉，正常都会出去尖沙咀或铜锣湾，返屋企楼下商场开餐，点会食咁贵？当时已估一定做唔住。果然，到了2022年中，就转型日式烧肉放题；有三四个唔同级数的价位，但仍然尝试走中高档路线，保留了日本和牛作为最贵档次的烧肉放题。去到2023年中，简单装修后再次转型，档次稍稍再往下调，供应全新日式烧肉放题餐单、及更为相宜的午市套餐；这次终于配合市场定位。今个星期日，一家三口也终于第一次光顾【烧肉帝】。虽然已经转型为中档日式烧肉店，但仍然保留了当初开业时的高档日式烧肉店的装修布局，空间宽敞、卡座宽阔。烤肉炉头也是高级烧肉店的款式，只不过用廉价即弃烧烤网代替原本受热均匀（但要花时间清洗）的开洞不锈钢板。每张枱面放了粗粒喜马拉雅岩盐、黑胡椒粒、柚子醋、烧肉酱汁及香炸蒜片，供客人按喜好自行调味。午餐当然唔会食放题，午市定食套餐也有六款烧肉及三款其他普通定食，每款烧肉套餐又有两个不同重量供客人选择。全家人都系食肉兽，一齐拣了烧肉套餐。沙律水准正常。前菜小食渍带子裙边有腥味，好难食。味噌汤唔够热。最最奇怪竟然未开餐已送上甜品日式麻糬。牛の味(牛胸腹 + 牛板腱)(200g)($122) 见到卖相，已经打过突。点解牛肉好似啱啱从冰柜取出，未完全解冻、硬梆梆？另外，点解切得咁薄？宁可少几片牛肉，切得厚啲，反正按重量计算。事实上，亦只有优质日本和牛才适合大大片薄切，做成焼きしゃぶ。简而言之，唔似心目中的日式烧肉。牛胸腹好多肥脂，以为系五花猪肉片，咬下去有不少筋膜。牛板腱肉质粗嚡，肉汁少。另外两份午市烧肉定食的牛肉，同样未完全解冻、硬梆梆，亦同样切得太薄。皇牌の选(牛小排+ 牛颈脊)(200g)($172) 的两款牛肉比较好味，但味道分别不大。两者皆有适当油花及牛味，冇筋膜、有肉汁。牛迷の选(牛小排+ 牛胸腹 + 牛舌)(150g)($122) 的牛小排卖相同牛胸腹差不多，及不上皇牌の选的牛小排；侧面证明牛肉质素唔稳定。牛舌软身，口感少少烟韧弹牙，唔系最靓嘅牛舌芯，但味道都算尚可。讲味道、讲牛肉嘅质素，就真系好一般，但又真系好抵食。「日出康城」居民仲有八五折优惠，抵上加抵。住喺康城，想食日式烧肉嘅话，【烧肉帝】系一个抵食嘅选择。
继续阅读
本身想食放题系列，点知店员话4:30pm要落场，唔够120分钟俾我哋，所以最后我哋转咗食午餐set!!① Suki烧定食$102呢个火锅定食得”四片”牛肉，肉质麻麻，食入口比较硬身，无论系攞嚟打边炉定系放入去烧，都改变唔到佢肉嘅口感。所以呢个餐唔推介！相反，皇牌の选牛颈脊＋牛小排$172 (200g)呢个set嘅肉质，就相当唔错👍🏻👍🏻果然系烧肉嘅王牌🃏一人定食午市套餐包:一碗沙律🥗带子边一碗面豉汤🍲一份甜品。*埋单前讲系康城居民有八五折😆
继续阅读
开左咁耐都未帮趁过，因为觉得贵。但原来而家新出左午市烧肉定食 。80蚊左右就有得烧烤 一家4口琴日见到咁抵 。就冲入去食 。肉类有好多重量选择 100 200 300g都有 。 肉既份量都足够☺️我地叫左4个定食 。唔同重量。定食包括汤 沙律 小食 甜品 白饭 。好好味 最惊喜系 。埋单仲有85折 。真系抵过食快餐店
继续阅读
朋友从外地返到香港，所以就同佢gathering拣咗呢间餐厅。拣咗个六百几蚊嘅餐，系有日本和牛嘅，写明系A5但系出嚟冇油花嘅。其实系咪有啲呃人呢？下次唔去噜。相中嘅虾，甲罗烧都系送嘅。拼盘一嚟就有啦。再讲番啲肉先，无论猪肉或者牛肉都系冰嘅一样。完全见到有雪花喺面，有点儿失望。下次唔去噜。
继续阅读
今日黎到呢间店，真系一场味蕾嘅旅行㖞！🍽✨一落座，啲菜色彩缤纷，卖相一流，已经令我心痒难耐。首先啲烧肉，卖相巧夺天工，质感而且唔系腻口，啲肉质嫩滑，烧得啱啱好，外层微焦香脆，肉汁喺口中爆发，系咁渗透到每一粒味蕾，正到不得了。🥩🔥啲海鲜令我惊喜，尤其系啲扇贝同蟹脚，新鲜得嚟，煮得啱啱好，口感爽滑，弹牙弹牙嘅。🦐🐚海鲜嘅鲜甜味道，完全无需要太多调味，本身已经美味得可以。仲有，啲蔬菜都好过瘾，清新解腻，同啲肉类好夹，胡罗卜丝爽口又甜美，包菜嘅鲜嫩就令人一啖再啖。店员服务态度亲切友善，环境都几舒适干净，喺享受美食嘅同时，仲可以好好放松，真系几好。同朋友聚会嚟，呢度绝对系个不错选择。食物上嚟速度都算快，唔使等太耐，个个都可以边倾计边叹美食，满足满足！下次有机会，我一定会再嚟试下其他招牌菜式，希望下次嘅体验可以同今次一样完美！👍🍲🥳
继续阅读