有間麻辣燙

营业中

休息中

餐廳招牌有隻老虎係度，所以好sharp好易睇到～餐廳面積唔算好大，座位都唔算太多，但一入到去會有種熟悉既感覺，因為餐廳有部超懷舊電視播住七、八十年代為人熟悉既金曲，另外仲有香港特色既霓虹燈夠晒特別😌呢度形式好似夾糖咁，食客拎個已消毒既筲箕再係兩個大雪櫃任揀自己想食既食材，入面有超過90款任你配搭，揀完就可以拎去收銀處揀湯底，店員會因應其重量再收錢$18.6/100g，不論揀咩餸都係咁計，大家記住要因應自己食到幾多先揀，因為樣樣都夾下都會變到好重🫢款式都係有肥牛、雞肉、蜆肉、魚肉、各種丸類、菜類等等，可以自己DIY真係好正☺️—————————————————————————————♦️自選麻辣燙：呢碗揀左粟米、娃娃菜、生菜、廚師腸、芝士腸、肥牛、雞肉、芝士蟹柳棒、豬紅、海蝦、米線、米粉、寛粉～湯底揀左招牌純牛骨湯唔辣，帶有啖啖香濃牛香味，有些微麻辣香味，海蝦食得出好新鮮，蝦肉爽口彈牙，特別要提寛粉真係好闊身同好長，口感夠煙韌～粟米都好爽甜♦️自選麻辣燙：另一碗揀左粉絲 、公仔麵、午餐肉、牛丸、黑椒牛丸、金菇、生菜、響鈴卷、鮮牛肉、雞肉、肥牛、山根、豬皮、蜆、芝士蟹柳等等，湯底揀左藤椒湯底辣度