影片
更多
2020-12-14
2846 浏览
去開油尖旺區，行行下行到一點半，諗左一陣都唔知食乜好，就周圍望下邊間多人排隊就食邊間啦。見呢間粥舖裝修企企理理，外面好多人排隊。好少見粥舖會有人排隊，咁呢間連星期一都咁多人排隊，應該幾好食啦，咁就入去試下啦。好少見粥舖有海鮮粥，就叫一個食下。另外仲叫左一個lunch set同埋兩個小食。🍤海鮮粥（走蔥）$73（另加貴妃雞 +$15）因為又想食埋雞粥，但又怕食唔曬兩碗粥，就決定加$15加雞啦。海鮮粥有蟹、蝦兩大隻、帶子同埋魚，配料都幾足夠，海鮮粥係直接放入海鮮生滾嘅粥，所以粥會有啲海鮮嘅鮮甜味。因為加左雞，所以仲有啲雞油嘅雞味，好食。雞都有四五件，都幾抵。粥入邊嘅飯粒唔算太多，食落去鹹鹹地，幾容易入口同幾開胃，就算唔係好鍾意食粥嘅人都可以試一試，撈埋雞油一齊食嘅粥仲好食。🍚XO醬叉燒炒蛋飯 午餐 $54叉燒蛋飯上邊有一大堆XO醬， XO醬嘅油滲晒落去飯嗰到，食飯嘅時候都感受到XO醬嘅香味。蛋都幾滑，叉燒都幾多，估唔到同XO醬都咁夾，唔知係邊個諗出嚟㗎呢。白飯一粒粒煮得乾身，配埋XO醬同叉燒滑蛋，好食。🍲例湯（跟餐$0）入左門口之後見到有塊牌寫住每日有咩湯飲，每日唔同。今日係冬瓜薏仁豬骨湯
好少見粥舖有海鮮粥，就叫一個食下。另外仲叫左一個lunch set同埋兩個小食。
🍤海鮮粥（走蔥）$73（另加貴妃雞 +$15）
因為又想食埋雞粥，但又怕食唔曬兩碗粥，就決定加$15加雞啦。海鮮粥有蟹、蝦兩大隻、帶子同埋魚，配料都幾足夠，海鮮粥係直接放入海鮮生滾嘅粥，所以粥會有啲海鮮嘅鮮甜味。因為加左雞，所以仲有啲雞油嘅雞味，好食。雞都有四五件，都幾抵。粥入邊嘅飯粒唔算太多，食落去鹹鹹地，幾容易入口同幾開胃，就算唔係好鍾意食粥嘅人都可以試一試，撈埋雞油一齊食嘅粥仲好食。
🍚XO醬叉燒炒蛋飯 午餐 $54
叉燒蛋飯上邊有一大堆XO醬， XO醬嘅油滲晒落去飯嗰到，食飯嘅時候都感受到XO醬嘅香味。蛋都幾滑，叉燒都幾多，估唔到同XO醬都咁夾，唔知係邊個諗出嚟㗎呢。白飯一粒粒煮得乾身，配埋XO醬同叉燒滑蛋，好食。
🍲例湯（跟餐$0）
入左門口之後見到有塊牌寫住每日有咩湯飲，每日唔同。今日係冬瓜薏仁豬骨湯，好飲。有大大舊豬骨喺湯入面，又食到少少冬瓜。
🦑酥炸魷魚鬚 $55
酥炸魷魚鬚有好多條，份量好足夠，炸出嚟嘅魷魚鬚炸粉唔算好多，炸粉嘅味道唔錯，再點埋醬汁，魷魚鬚變得更好味。
🐔海蜇手撕雞 $52
海蜇同手撕雞份量都好多，手撕雞如果再滑啲就仲正。如果有辣嘅選擇，我覺得海蜇手撕雞會變得更好味，但係而家嘅海蜇手撕雞甜甜酸酸咁，我覺得已經好足夠。
食左咁多野，依家好飽好滿足。
张贴
