新記雞粥 (鴻禧大廈)

营业中

休息中

昨晚食的太飽，今早食d養胃的，生滾貴妃雞粥，綿綿的64蚊還有油條飲品送。服務好，仲有下次的優惠券，唯粥底米少水多，油條可再剪細啲，油條可再熱一點， 脆一點，如果可選雞腿會更好

近排喺旺角呢邊上堂，放lunch就試吓啲新嘢，見呢間新記幾多好評就入咗嚟一坐低啲姐姐都好好服務，入座落單都有吹兩嘴，成個感覺都唔差我叫咗份廚師推介嘅XO醬豬扒炒公仔麵，本身唔太喜歡芽菜同蔥，落單姐姐都話可以走芽菜蔥，咁就啱曬我點知一上檯，好似濕炒咁，唔夠乾身，腍啤啤。最唔明係用紅蘿蔔絲炒，喺香港食過咁多間炒公仔麵真係未見過會咁炒法，啲味道完全唔夾，再加上炒得咁腍咁濕身，搞到成個質感都好唔掂食食吓仲有條毛冷喺度，最後都無咩胃口，食咗一半都無就走咗，要過隔離肥姐食返兩串嘢回一回血公道講句，啲豬扒又煎得唔錯，但下次過嚟一定唔會試呢個炒公仔麵

//行開旺角，下午茶又想食粥入咗去呢間 元朗新記🥹叫咗個 《艇仔粥+炒麵 下午茶set 》 連熱飲☕️艇仔粥入面都多料，有肉絲，豬皮，魚片，魷魚粥底都綿，係略嫌豬皮嗰日有啲臊味😢豉油王炒麵就正正常常🥹

📍新記雞粥🩵貴妃雞蠔仔粥🩵海蜇手撕雞（半份）🩵豬潤腸粉🩵炸大腸（半份）埋單$217 旺角物價 但唔值呢個價🥴🩵貴妃雞蠔仔粥雞粥底係唔錯既，蠔仔有8粒左右 但啲貴妃雞全部都係骨位但有肉既地方都滑既🩵海蜇手撕雞（半份）有色有水 但偏偏冇味 海蜇都唔係爽脆口感😿入面既榨菜同手撕雞又係冇味🩵豬潤腸粉腸粉皮都ok 豬潤重內臟味 甜豉油同豬潤好唔夾 有點同冇點差極遠 🩵炸大腸（半份）全場唯一好食嘅嘢 脆口即炸 油香好正😊可一不可再 一星係俾個炸大腸既#suuuuki飲飲食食 無達到標準既雞粥店🤨

燒味飯（三拼）HKD58·叉燒、海蜇與鹹蛋半隻的拼盤·海蜇與大陸這邊吃到的確實不太一樣·比較偏脆爽·其餘兩樣較為普通油菜+HKD 10·這個油菜澤上面偏暗色·樣子也是屬於偏粗壯系列·口感上微苦凍鴛鴦 HKD 3凍鴛鴦都比較偏苦一點

行過旺角經過見到呢間「新記雞粥」 見好多嘢食揀都唔知揀邊樣好 最後嗌左四樣嘢食都只係$168 幾抵食而且味道都唔錯👍🏻🌟香脆炸大腸（半份） $35 炸得好酥脆 外面脆卜卜🌟海蜇手撕雞（半份）$35海蜇爽口彈牙 少少辣幾開胃🌟火腿炒米粉$38🌟豬潤炒麵 $60兩樣份量都好多 足料而且小食可以嗌半份 可以試多款又唔洗驚食唔晒📍 新記雞粥 (旺角)旺角通菜街2Q-2Z號鴻輝大廈地下3號舖

已經黎過呢間餐廳食左幾次，價錢合理質素好，今次凍凍地一於試下最出名既雞粥，真係好好食，一定要食雞粥，其他野係正常發揮但絕對對得住價錢，係旺角想食平平地又快既野食，推介食呢間既雞粥呀！🤤🥰🐥貴妃雞粥 $61雞好滑，粥底充滿雞既鮮味，好濃郁好好食呀🤤🤤🦑酥炸魷魚鬚 $64新鮮炸起好熱好脆，魷魚鬚有口感大大條，好食🥰🐥海蜇手撕雞 $35 半份手撕雞份量唔多，但調味唔錯！☺️🥕XO醬炒蘿蔔糕 $60XO醬好香，蘿蔔糕偏軟身，但都幾好！😆🥬椒絲腐乳炒通菜 $53份量超大，腐乳味唔係好濃正正常常😆

提示1. 晚上7點前唔洗排隊  提示2. 酥炸魷魚鬚建議叫「一份」，因為真係好好食！  提示3. 麻甩餸酒推介：海蜇手撕雞！    今日凍凍地想食粥，平日行過見入面坐滿晒人，終於有一日可以準時返工，可以去食喇！😋    貴妃雞粥 💰61  一上枱，真係蒸氣騰騰，每一啖咬落去都充足熱辣辣嘅雞油🐥🐔🐓，啲肉好滑。啲雞多到啲粥食晒都未食晒啲雞，但一碗真係唔夠兩個人分。    半份酥炸魷魚鬚🦑 💰37  超級香口，炸粉啱啱好唔會太厚，配埋喼汁做調味真係絕配，三爬兩撥就食晒，建議兩個人或以上就要叫足一份！    菠蘿咕嚕肉🍍 💰63  酸酸甜甜好開胃，每一啖都係肉，大大舊好實在。    蒜茸炒菜芯 💰53  個菜正常水準，有家嘅感覺，食落都爽嘅口感。    半份海蜇手撕雞 💰35  呢個海蜇出面好少見咁惹味，手撕雞同榨菜即刻變左配角，餸酒一流！  

呢日來到旺角呢間老字號好出名嘅雞粥店。來得呢間，馳名本土老字號，一定要叫雞粥同乳鴿！♥️貴妃雞蠔仔粥嫩滑貴妃雞，蠔仔都飽滿大粒，粥底好鮮甜。♥️黃鱔田雞粥呢款雞粥比較少餐廳會做，功夫多，見到有就即點，果然好好味。♥️半份蜆介鯪魚球個人覺得係好食過在澳門食過的鯪魚球，好大粒又彈牙，蜆介唔咸調味剛剛好。♥️半份海蜇熏蹄海蜇爽脆，熏蹄都做得好好，好大片厚肉。♥️紅燒元朗脆皮乳鴿大隻的乳鴿，咬開仲好多肉汁。總結: 係好食值得推介的。餐廳食物超多選擇，係油麻地站同旺角站中間，附近極少這類粥店，可以過來食！原來午市套餐仲抵，有粥有腸粉仲有飲品。侍應好好，午餐繁忙時間要搭枱，都叫食客慢慢食唔使急唔催人。

作為一個香港人對於老字號「元朗新記」應該絕不陌生，今天到訪旺角鴻禧大廈分店回味一番-蜆芥鯪魚球 $606粒超飽滿的鯪魚球新鮮炸起，熱度高炸得乾身油份不高，加入芫茜及蔥花，外脆內軟又彈牙，魚肉鮮味沒帶腥味，蘸上味鮮的蜆蚧更添美味-金牌貴妃雞 $77雞皮爽滑不膩，雞肉嫩滑緊實又入味，鹹香適中，蘸上薑蔥夠滋味-XO醬炒蘿蔔糕 (半份) $35加入三色椒炒成，蘿蔔糕大件而口感紮實，帶有蘿蔔香味且蔥香十足，加入滿滿瑤柱絲的小辣XO醬，味道及口感皆不錯-XO醬叉燒炒蛋 $73炒蛋保持嫩滑帶有蛋汁及蛋香，薄切叉燒富蜜汁香，肉質緊實有彈性，肥瘦適中；加上惹味XO醬，下飯一流-午餐：鮮蝦雲吞麵 $52配飲品及油菜，凍飲 +$35粒雲吞皆皮薄餡鮮；雲吞麵細滑帶蛋香，湯底加入大地魚粉，清香不膩

呢間餐廳都幾多選擇，唔似一般茶記。又有粥、又有乳鴿、又有啲特色小菜咁。雖然見到佢招牌係雞粥，不過無試到，反而叫咗另一款出面好似少有啲嘅粥。 黃鱔田雞粥 $74啲肉幾多，同埋黃鱔整到啲肉質爽爽哋咁，幾好食！田雞好滑，同埋唔多地方有得食。幾推薦！紅燒脆皮乳鴿 $76抵唔抵食就見仁見智，不過都炸得幾香口，拎出嚟係熱辣辣，好多汁！焗豬扒飯 $61炒底做得唔錯👍芝士舖得好滿！泰式鳳爪 $53份量幾多！味道正宗！做開胃小菜都幾好！鮮蝦腸粉 $32 不過不失，如果個皮再薄啲就更加好

旺角新記雞粥🤤讓我著迷的是這道Xo醬炒蘿蔔糕。Xo醬的香醇和蘿蔔糕的口感完美結合，入口即化，味道醇厚，真是美味無比。再配上一碟煎蝦米腸，更是讓人回味無窮。🧆油菜翠綠欲滴，口感嫩滑，味道香甜，絕對是餐桌上的一道亮點。🍜熱檸茶，清新的檸檬香氣和熱茶的醇厚口感完美融合，一口下去，身心都得到了舒緩。這家店的位置非常方便，就在油麻地地鐵站附近，交通十分便利。熱門主菜：魷魚鬚，蘿蔔糕，脆皮炸乳鴿，海蜇手撕雞，炸兩，雞粥熱門茶餐：沙嗲牛肉公仔麵， 鮑魚火腿通粉，焗豬扒飯推介小菜：XO醬叉燒炒蛋，椒鹽豬扒，菠蘿咕嚕肉#新記雞粥 #旺角美食 #旺角 #chinesecuisine #contonesecuisine #中式小菜 #脆皮炸乳鴿 #海蜇手撕雞 #魷魚鬚 #雞粥 #Congee #sunkeechicken #mk

今早去食早餐, 不過d粥唔係太啱我食, 我揀左薑絲豬潤通粉, 多士炒蛋配熱奶茶, 可能附近店舖未開齊, 差唔多全場爆滿, 但初一至初七要另外加一, 等左一陣先上多士炒蛋, 多士上的牛油大舊到可以只少分三, 四次🤣, 只好整開😅味道正常唔係太差, 而且敢旺敢忙, 都不可能要求太高, 再等多一陣通粉和奶茶送到, 豬潤唔係脆亦唔係粉, 不過不失, 通粉分量都足夠, 其實可以用細少少的碗😅唔洗比敢多湯😸奶茶雖然凍左但味道也可以, 算係唔差😋家人就食粥套餐, 碎牛配炒兩加凍奶茶, 另加一只粽, 我無食到但家人說都可以

新記雞粥 (鴻禧大廈)旺角花園街1號鴻禧大廈地下5號舖旺角行完街去搵野食，臨近新年好多飯局聚會，唔想食得太heavy，有間"新記雞粥"食下粥都不錯！入到去都幾多人，好彩啱啱都有位坐。枱邊就有個QR code自助數碼點餐，好方便，仲可以即時免費註冊會員，儲積分越食越抵！呢度既下午茶餐做2-6pm,有中式選擇又或者係港式下午茶選擇。生滾貴妃雞粥$62新記最出名就係煲仔雞粥，識得食梗係食呢個啦！新記用嘅係貴妃雞，新鮮嫩滑！嫩雞分量多，每一啖粥都好香嘅雞味果然好掂👍下午茶餐可以配炸兩/叉燒腸/蝦米腸/芽菜炒河粉/豉油王炒麵/蘿蔔糕/炒米粉/油炸鬼，嘩！乜咁多選擇，咁好！如果多人食可以share樣樣試。炒河用嘅係幼身河粉，豉油炒得好香，真係出面先食得到嘅鑊氣炒河粉！鮑魚火腿通粉$37呢度仲有港式套餐，朋友食呢個話都不錯，大大份又夠飽，套餐配炒蛋、可升級配埋香港名物菠蘿包(+$3)。全部下午茶餐都奉送熱飲！熱奶茶，茶香奶滑！正！不過特飲都唔係加好多錢，七喜龍眼冰(+$8)綠綠地色嘅特飲，好多龍眼。紅燒元朗脆皮乳鴿乳鴿都係呢度嘅招牌，忍唔住叫埋！🤪乳鴿皮炸得咸香脆口，厚肉啖啖肉，好食！旺角中心地段，

新記雞粥點解咁出名？因為佢獨創嘅貴妃雞係挑選最新鮮嫩滑嘅母雞 用超過20種藥材 加上頂級嘅蝦乾同瑤柱烹調而成的。貴妃雞入口香滑 帶少少藥材味同埋酒香。簡單一碗雞粥有濃濃嘅雞香雞油 絕對係我食過咁多雞粥最好食嘅！🤌 🐥貴妃雞粥加皮蛋 果然名不虛傳！😳 半雞脾半雞胸 但雞胸一啲都唔鞋 仲好滑！雞皮富有濃濃雞油香 成鍋粥充滿住呢個香味 唔落皮蛋都一樣好食🤤🤤 🐥Xo醬叉燒滑蛋飯Xo醬世一🥇 份量一啲都唔手軟。叉燒滑蛋已經正👍 畀埋xo醬直頭更上一層樓 正正👍👍 🐥Xo醬炒蘿蔔糕 唔使講咁多 蘿蔔糕好食 xo醬炒更加好食! 🐥椒絲腐乳通菜好大碟！