一瀧 (已結業)

今次同朋友嚟銅鑼灣金朝陽中心試喱間位於8樓嘅一瀧。餐廳環境好靚，有榻榻米、bar枱，如果一大班人嚟仲可以book間房添☺️👍🏻裝修好有心思，以江戶時代為主，感覺嚟到就好似去咗日本咁。餐廳更請咗兩位來自日本福岡嘅師傅，為客人炮製正宗嘅日本料理😋👍🏻棉花糖A4宮崎和牛壽喜燒棉花糖溶化後增加咗湯底嘅甜度，所以啲蔬菜、冬菇、豆腐比起平時食嘅壽喜燒更加甜更加入味🤤👍🏻牛方面餐廳就用咗刺身級數嘅牛，淥幾秒就食得，更加食到牛嘅質感同濃濃嘅牛味，之後再點埋蘭王蛋食真係無敵🤤刺身盛二人前今日同朋友揀咗幾款刺身試下 鰹魚、赤身、牡丹蝦、深海池魚、帆立貝，每一款都好新鮮，好厚切，特別鍾意鰹魚，魚皮燒過，咬落去時脆卜卜，好有魚味😝時令壽司店員推介我哋食今日好新鮮嘅秋刀魚壽司，食落口完全無腥味，滿口魚嘅鮮味，魚肉好肥味，食完想再Encore🤤👍🏻雞全翼一夜干雞翼皮煎得好香脆，唔會成口油，肉質好鮮嫩，咬入口充滿肉汁😋燒薩摩魚餅魚餅燒得好香口，好有魚味，點埋沙律醬真係停唔到口😜最後同朋友點咗綠茶、紅豆雪糕嚟埋尾😚