影片
更多
2018-04-24
736 浏览
星期日男朋友都係睇好似幾多讚好就book咗去試，打電話去問話228一個人，覺得價錢尚可接受就上去啦，完全冇查過實際食咩見係放題就覺得OK。由於要係門口等等，男朋友同我都唔清楚大概食乜，就查下openrice見到有負評講欺騙消費者，咁我都多口係門口問下個姐姐係咪收費228一個人？包啲咩食？佢就講係呀燒啲蠔啊蝦蟹帶子貝殼類仲有刺身咁。之後佢好忙未答曬就行開咗陣就帶我地入位啦。環境都OK啦起碼兩個人有四人位，我一坐低繼續叫多個人問問啲蠔啊蟹啊蝦啊份量係點，佢就話一人一隻到啦，咁我都覺得228嚟講都叫抵。但我問咗兩次都冇人同我地講原來要加錢㗎！！！我地一心以為228係食以上哩啲嘢㗎！我地寫緊點單紙叫刺身，之後有個男侍應就咁擺低咗一桶主菜海鮮，咩都冇講放完就走開咗。講真我見到都好期待心心眼仲影咗幾張相，點知而家變罪證⋯⋯啲鮑魚好大蝦同蠔都好大，雖然唔明點解哩啲「特別類」話一人一隻，兩個人就得一隻蟹，我地都接受啦都走唔到啦都食唔到咁多啦咁諗，但係我地真係又俾人呃咗唔知第幾步啦！燒帶子有人幫我地起肉仲心諗咁體貼，唉。個木桶上啲紫色嘢真係完全唔知咩嚟，其實唔靚就唔好擺...比人感覺好污糟。個帶子同蝦係
由於要係門口等等，男朋友同我都唔清楚大概食乜，就查下openrice見到有負評講欺騙消費者，咁我都多口係門口問下個姐姐係咪收費228一個人？包啲咩食？佢就講係呀燒啲蠔啊蝦蟹帶子貝殼類仲有刺身咁。之後佢好忙未答曬就行開咗陣就帶我地入位啦。
環境都OK啦起碼兩個人有四人位，我一坐低繼續叫多個人問問啲蠔啊蟹啊蝦啊份量係點，佢就話一人一隻到啦，咁我都覺得228嚟講都叫抵。但我問咗兩次都冇人同我地講原來要加錢㗎！！！我地一心以為228係食以上哩啲嘢㗎！我地寫緊點單紙叫刺身，之後有個男侍應就咁擺低咗一桶主菜海鮮，咩都冇講放完就走開咗。
講真我見到都好期待心心眼仲影咗幾張相，點知而家變罪證⋯⋯啲鮑魚好大蝦同蠔都好大，雖然唔明點解哩啲「特別類」話一人一隻，兩個人就得一隻蟹，我地都接受啦都走唔到啦都食唔到咁多啦咁諗，但係我地真係又俾人呃咗唔知第幾步啦！
燒帶子有人幫我地起肉仲心諗咁體貼，唉。
個木桶上啲紫色嘢真係完全唔知咩嚟，其實唔靚就唔好擺...比人感覺好污糟。
個帶子同蝦係最正常㗎啦⋯⋯ 蝦係放題質素以上既，不過帶子都係放題質素冇乜鮮味，個蠔同鮑魚就真係得個大字，毫無鮮味。黃色個兜唔知乜嚟，冇人同我地講，個燒嘢guideline又冇講。個蟹係最期待㗎啦，點知係最失望😞痴線啲膏hi 到完全唔係蟹膏既質感，啲肉又係，試咗兩啖成隻dum咗，好彩冇腥味冇肚痛。
刺身選擇較其他放題少，個赤貝同象拔蚌千祈唔好叫！腥到啲冰都有味！勁核突....個吞拿魚佢地叫赤身，我唔知係咪可以理解為吞拿魚，因為如果等於係吞拿魚就一定係假，個色靚到唔似食得落肚，螢光粉紅咁款。其餘質素都係放題質素，不需期待。
咁啱見到蘋果優惠$8 可以任食6款生蠔，我地都有叫，心諗你原價都話百幾蚊應該唔會差，差既話可以燒...點知....個賣相係幾特別既
男朋友食有魚子個隻生蠔就當堂嘔咗...之後我都試下其他味先因為佢叫我唔好食佢個隻味..其實就唔腥既，但真係整得好難食，我怕嘥都係試咗三個...真係未食過咁難食既生蠔，都係個句，冇肚痛都謝天謝地。唔怪得之8蚊蝕底都做啦，附近根本冇人叫多過一次，隔離夫婦都係到彈....
仲叫咗個辣汁煮螺同埋酒煮蜆，由於賣相毫無特別同值得期待所以冇影，點知果然真係唔期待就最好。不過辣汁都好奇怪，似係韓式生蠔啲泡菜汁既辣汁/cheap cheap羅宋湯既汁？螺都幾大粒，可以讚下...因為我冇嘢好值得食，成晚都係叫酒煮蜆...
其他野食就真係好少，所以都冇叫到乜，第一次放題係食唔飽。天婦羅熟食啊每個類別都不多於10樣嘢，有啲類別得三樣嘢...
差啲唔記得講啲餐具....建議大家真係去既話自己清潔下...燒嘢既夾同較剪都好多漬..
好啦買單見到288一個人，兩個人加埋650幾...就問侍應係咪錯，佢仲問返轉頭我地係咪食咗海鮮頭盤，我地話下唔係包㗎咩？佢冇回應我地就走開咗，我地就死死氣氣咁都要俾啦⋯兩個人加埋都俾多咗100幾蚊，質素仲咁差真係嬲嬲地，但又唔可以做咩。聽到隔離夫婦同我地一樣都有同一個反應😑咁好肯定大家都被騙了...其實我地電話加現場問佢哋都有機會講我地知要每人加60..但係冇人提及過，唔明點解咁多評論都冇人提及？啲人點知㗎呢？而且book完之後佢仲send Whatsapp 嚟都係講緊228，仲用海鮮頭盤嚟吸引人誤導大家⋯⋯加埋最後我地俾錢買單問點解，前後一共五次都係冇人真正回應我地。現場亦都冇海報講放題價錢同加60先有海鮮頭盤....唔知篇嘢同openrice咁多評語唔一樣會唔會出唔到呢？不忿既我地繼續睇人地啲評論...發現人地有埋蟶子甲羅蟹蓋，個guideline 都有教點燒，但係我地完全見唔到？！又俾人呃.....
张贴
