辣度餐廳 (已結業)

公司附近最近開咗間新餐廳，我哋見到易拉架就走過去嘗試一下，其實餐廳環境都算唔錯，但係餐廳中午時間都唔滿場，比較冷清，餐廳午餐選擇不多只有幾個Set lunch可以選擇。其實見到個餐廳名都知道嘢食都有關於辣嘅味道，但冇想過佢哋完全冇提示個客人。我點左個海鹽牛扒，呢個餐可以跟意粉、飯或薯菜。好明顯睇相就知道我選擇咗意粉，但係係餐牌上面完全冇提及過意粉係辣嘅，正正因為我唔食啦，令到我成個意粉無食，而職員冇係落單嘅時候講明意粉係辣嘅，非常感到失望。牛扒是全熟，但都算係不過不失，肉汁有少許鎖住喺牛扒裏面，牛肉尚可算好嫩口。