明閣 (香港康得思酒店)

有內地朋友黎香港，大家係因為之前係外地旅行而相識，更係因為兩個人都特別中意飲飲食食，亦都唔介意俾貴少少去食到美味嘅食物進一步相熟。佢好中意飲茶呢種廣東文化，特別愛食不同點心，於是決定同佢一齊試下連續幾年都有米芝連榮譽嘅明閣。位於酒店之內，定價高係必然。不過對於食物，係有少少失望。絕對唔係唔好食，蝦餃新鮮、腸粉細滑、燒鴨肥美，只係未去到有一再回味嘅衝動，俾貴左價錢，呢個水準卻同出面嘅茶樓相若。不過後尾我地再叫左一個煮得十分出色小菜。簡單一個砂煲盛載嘅蝦膏唐生菜，非常香口入味，全部人讚不絕口。食嘅當下，我就明白，呢度最出名嘅係小菜，只係可恨我地選擇係呢度飲茶，並無點到最出色嘅食物。有機會，定必再戰。