The Captain's House (已結業)

Seafood Platter A($398)，海鮮袋，裏面有蝦、硯、青口、腸仔、薯仔、粟米，醬汁好特別係胡椒牛油汁，味道幾夾幾惹味，蝦好大隻和飽滿，色澤亦好新鮮，值得一提係店鋪會提供埋手套，用手食先有風味。Popcorn Shrimp($92)，外層粉漿炸得酥脆，蝦肉亦好彈牙，醬汁係店鋪調製過既沙律汁，酸酸尾尾好醒胃。Clams Linguine($118)，蜆肉粒粒都好肥美，有彈牙既口感，另外意粉有好濃蒜油香味，而且加埋少量辣椒炒，微微既辣度又唔會搶過蒜油香味。Tropiconut($68)，椰青水+青檸+檸檬，混合左幾種清新既生果汁，口腔有種好涼好舒服既感覺。Grapefruit Juice($35)，酸尾尾開胃飲品，好濃郁西柚汁，應該整杯都係用西柚鮮榨出來，絕冇溝水。Creme Brulee($78)，面層焦糖燒到薄薄一層，好脆口，燉蛋好滑，一吸入口可以直飛入喉嚨，三款生果有微酸，但正正就係可以中和返焦糖燉蛋既甜度。