831
87
34
港铁尖沙咀/尖东站 B2 出口, 步行约4分钟 继续阅读
电话号码
23665600
开饭介绍
主打来自美国的海鲜,卖点是以蒸煮方法烹调的海鲜拼盘。 继续阅读
营业时间
今日营业
12:00 - 15:00
18:00 - 22:30
星期一至日
12:00 - 15:00
18:00 - 22:30
公众假期
12:00 - 15:00
18:00 - 22:30
公众假期前夕
12:00 - 15:00
18:00 - 22:30
付款方式
Visa Master AlipayHK 支付宝 现金 美国运通 银联
座位数目
38
其他资料
网上订座
Wi-Fi
酒精饮料
自带酒水
切蛋糕费
电话订座
赏订座积分
加一服务费
当面支付
有关奖赏计划
食记 (1013)
朋友介绍话呢一间餐厅好适合两个人黎庆祝所以两个人拍拖就黎呢度食下一入门口佢哋都好好招呼😛好锺意呢度嘅系楼底比较高有个吧枱 气氛都比较浪漫💕坐低见到佢哋而家有个套餐 价钱唔算贵但系选择都几多😙我哋首先前菜要咗 路易斯安那特色蟹饼我第一次食到蟹饼系咁鲜味同啖啖肉 完全令我喜出望外 佢哋轻轻咁样将蟹饼整到脆身😘所以食落去特别有香味之後服务员就将我哋有嘅海鲜 放入呢个袋加埋我哋自己拣嘅柠檬牛油汁🤪感觉都好新鲜 而且隔个袋都闻到嗰阵香味发现佢哋份量都几多 有10只虾10只青口同10蚬👌我本身系一个好锺意食虾嘅人 佢哋嘅虾肉爽滑弹牙 而且最锺意佢哋嘅酱汁酸酸甜甜而且又有牛油嘅香味 好正😎而且海鲜嘅丰富嘅蛋白质所以食完都饱饱地🍴之後仲有另外一个主菜系香煎刺身带子意粉首先要一大赞佢哋嘅带子非常新鲜 融雪嘅效果做得好好🥰完全唔会觉得有雪味落牛油煎左之後好好食 !而且意粉煮嘅程度都唔错 冇嗌错度☺佢哋嘅嘢饮都系我自己一个好锺意嘅选择😉男朋友蓝色嗰一杯 佢话感觉几清新用嚟送海鲜真系OK❄我自己个杯蜜桃味为主打 用嚟打卡已经非常之吸引🤪而且饮落去嘅感觉好fresh 甜甜地嘅感觉可以中和返牛油嘅油腻感💗最後嘅甜品我哋拣咗芝士蛋糕✅佢哋嘅芝士蛋糕应该系自己嘅配方个饼底同其他嘅唔同 佢哋将忌廉芝士同饼底混合埋一齐 🤓感觉都几新鲜 😎😘我嘅感觉都唔错可以再返嚟 继续阅读
(以上食记乃用户个人意见 , 并不代表OpenRice之观点。)
等级4 2020-10-21
116 浏览
一直都被餐厅的海鲜shake shake袋吸引着,今次终於得偿所愿,Happy Friday同男友来开餐。餐厅环境都唔错,座位阔落舒适,几岩情侣来撑枱脚。我地拣左Seafood Platter Set A,可以选三款海鲜,最後要了虾、青口和活蚬各十只。酱汁方面,我们两个都比较喜欢吃浓味的,所以选了胡椒牛油汁。等左无耐海鲜袋就出场啦,食之前店员会帮你再shake一shake,令酱汁更均匀地沾满海鲜。打开袋是满满的海鲜,活蚬大只又juicy,海虾味道鲜甜,黑椒牛油酱汁也很惹味,整体质素不错。袋入面除了有海鲜外,还有蔬菜和肉肠等配料,非常饱肚。🧡路易斯安那特色蟹饼蟹饼结实足料,切开中间能看到一丝丝的蟹肉,味道咸香可口。面头加上酸酸甜甜的千岛酱,令蟹肉饼食落无咁漏,比较开胃。🧡香煎刺身带子意粉带子粒粒都又大又厚肉,面层煎得焦脆,中间仍保持嫩滑,非常好吃。意粉用上蕃茄和香草一起煮成,味道酸甜浓郁。🧡Pink Flamingo粉红色的饮品充满少女心,由菠萝汁和牛奶等调配而成,味道特别,好睇又好饮。我们多点了两只生蚝试试,海水味好重而且肉质新鲜唔腥。🧡纽约芝士蛋糕蛋糕芝士味好浓郁,质地较为绵密,最特别的是蛋糕饼底完全融入於蛋糕之中,每口都食到粒粒饼乾,口感丰富。下次会再来encore呢到的蟹饼! 继续阅读
(以上食记乃用户个人意见 , 并不代表OpenRice之观点。)
The Captain’s House平时都受欢迎,有时都唔容易book枱,难得今次book到,就同个friend相约喺H8食返餐好西!墙上黑板画嘅画都几靓喎!嚟得Captain’s House冇理由唔食佢嘅Seafood Platter🦐🦞🦀!先叫两杯特饮开开胃,我就拣咗黄色嗰杯Peach on the Beach,朋友就拣咗Blue Ocean,两杯都加入咗薄荷叶,所以饮落好清新,个人认为Blue Ocean味道较佳。首先食个头盘,我哋拣咗蟹饼,呢个蟹饼真系有一丝丝嘅蟹肉,非常真材实料,建议可以首先食一啖完全冇酱汁嘅蟹饼先,感受一吓佢嘅原汁原味,然後再食有酱汁嘅蟹饼,又会系另一种层次。传说中嘅「垃圾袋」终於出场啦,其实呢个食法系源於路易斯安那州新奥尔良入面嘅法国裔加拿大人Cajun嘅独特食法,所以呢度三款可供选择嘅酱汁入面其中一款就系Cajun Garlic Butter。不过因为我想食起嚟感觉再清新啲,所以就拣咗柠檬牛油汁,海鲜方面就拣咗海虾、青口、活蚬。喺打开海鲜袋之前,店员会帮食客将海鲜袋大力摇晃几吓,令入面嘅海鲜都能够沾上酱汁,然後再打开海鲜袋慢慢品嚐。海鲜袋入面除咗有我哋选择嗰三款海鲜之外,仲会加入新薯、粟米同肉肠。所有食材都好新鲜,所以餐厅系会提供手套俾食客,让食客可以直接用手享用咁美味嘅海鲜袋。食过海鲜袋之後,真系意犹未尽,所以就叫返个有海鲜嘅意粉。呢个香煎刺身带子意粉系用蕃茄洋葱同不同香草作调味,酸酸地几开胃。带子有三粒,两边简单地稍为煎香一吓,所以仍然保留带子嘅鲜味。甜品都有几款选择,每款都好吸引。最後拣咗苹果批配雪糕,苹果批充满肉桂嘅香味,再配一球云呢拿雪糕,呢餐真系好满足! 继续阅读
(以上食记乃用户个人意见 , 并不代表OpenRice之观点。)
等级4 2020-10-08
855 浏览
黎咗一间专门食海鲜既餐厅同朋友庆祝生日佢带埋bb一齐黎餐厅有提供bb櫈同餐具朋友话要指定要食呢个shake shake海鲜袋有三个价钱可以选择我地拣咗3款海鲜🦞先拣想食咩海鲜,有9款咁多每款海鲜都有一个份量如果想食再高级啲可以加钱食龙虾同虎虾/琵琶虾之後再拣咩口味,即系个汁有柠檬牛油/卡姜蒜蓉/胡椒牛油我地拣咗胡椒牛油餐厅内既装修呢个海鲜拼盘用个网同胶袋装住啲海鲜紮到实一实蒸既时候锁住啲水,令到海鲜既水份保留而且我地拣既汁又会更加入味店员系我地面前shake一shake就打开个袋啦我地拣咗青口、海虾、蚬宝物寻归底 原来仲有粟米、原粒薯仔🥔啲蚬都几大只海鲜仲索哂黑椒牛油汁带小小辣味同牛油味好香仲食得到海鲜既鲜甜味路易斯安那特色虾饼每一啖都系蟹肉丝但食得多会觉得有小小滞腻不过蟹饼上面有小小辣辣地蛋黄酱令到个蟹饼口味丰富咗仲食咗香煎刺身带子意粉带子表面只系微煎香保留带子既鲜甜味意粉岩岩好 ,口感偏硬 做到Al dente 口感以new York cheese cake作结尾口感无平日食个啲咁硬偏淋身口感粉红色个杯系Pink 🦩FlamingoPineapple 🍍, juice, milk, 及红石榴糖酱前面啡啡地色既系 berry kiss🍓 strawberry , blue berry& 乌龙茶两杯都酸酸甜甜地 可以解腻朋友都好满意今餐生日饭因为食咗好好味既海鲜🦞 继续阅读
(以上食记乃用户个人意见 , 并不代表OpenRice之观点。)
等级4 2020-10-08
526 浏览
疫情期间成日困在家中,心情同食慾都差左😭决定今晚要对自己好D!去尖沙咀The Captain’s House 美式海鲜餐厅豪食一餐!😌前菜点左路易斯安雅特色蟹饼($98) 蟹饼食落口感较实净,蟹肉份量超多,每一啖都充满蟹嘅鲜味。配上自家制酸酸地嘅酱食几开胃!主角出场 - Seafood platter!客人可以自己拣想食嘅海鲜拼盘,分别可以选择3种、5种或8种海鲜,然後再可拣海鲜嘅种类,例如有小龙虾、青口、小八爪鱼、活蚬、扇贝、松叶蟹脚等等。最後再拣一种酱汁。我地今次就拣左signature嘅卡姜蒜蓉汁。餐厅都非常贴心地准备左小围裙、胶手套,客人可以用手食又唔洗担心整污糟件衫同只手!上台嘅时候我地都好期待!侍应抱住一个满满嘅蓝色网包住嘅大袋,之後shake呀shake,令酱汁沾满喺所有食材上。打开鱼网大袋一刻,香气四溢,闻到都已经流口水🤤!除左虾 、蚬同青口每款十件之外,仲有猪肉肠、粟米、薯仔做配菜。每款食材都沾满浓郁嘅酱汁,实在好味到停唔到口!每款海鲜都好鲜甜:虾肉爽口弹牙、蚬肉同青口只只都非常饱满而且肉质鲜甜。香煎刺身带子意粉($155) 带子轻煎至表面带点轻微焦香,一切开内里仍然晶莹剔透,火喉刚刚好。好中意佢个意大利粉口感烟韧,酱汁味道又香又浓。👍🏻🥰New York Cheesecake ($78) 呢件芝士蛋糕同出面食到嘅好唔同,个饼底完美无瑕地融入左个蛋糕里面,食落会有粒粒饼底,而且芝士味超浓郁,岩哂中意食芝士嘅朋友!食好西点少得叫番杯冰冻嘅野饮解渴呢?点左杯用茶做base嘅purple moon:用蝶豆花茶同粒粒蜜桃肉制成;green tea mojito ($68)两杯野饮味道都清淡唔会太甜,中和番食物嘅浓味。 继续阅读
(以上食记乃用户个人意见 , 并不代表OpenRice之观点。)