影片
更多
2007-12-19
18 浏览
話說呢個星期二係我倆結婚八週年的日子，作為一個經常都煮兩味既太太的我，當然希望在呢一日偷懶一下啦，於是四出找下有乜野好食，亦由於得兩口子，日本菜係我既不二之選，因為份量不多，可以叫多幾款食物都可以吃得下麻，於是在openrice search左笑臉一面倒的"錦"日本料理啦.....聽見網友推介既食物，當然二話不說跟風order啦1) 天婦羅烏冬呢個真係唔錯$38, 烏冬真係好彈牙、有兩隻小炸蝦及數件炸蔬菜，炸物都炸得幾好，$38有咁既水準，當時想今晚真係無選錯地方啦2) 見到第二張檯點了個$88既魚生及魚子海膽飯，因聽見個女仕話d魚生幾新鮮於是跟點啦，來到有5款魚生，每款約有3片，另加一碗白飯面頭加左d魚子及海膽，呢個都幾抵及ok啦，魚生都鮮味3) 薯蓉年糕，個人好喜歡年糕的口感，再加埋薯蓉同埋d汁，好特別，$20元兩件作為小食都不錯食完以上3款食物，老公仍未夠飽，本想叫多個$68 的set，但因我想吃黑芝麻布丁，怕叫多個set 又吃不晒，見烏冬很美味，於是提議老公散叫多一碗烏冬便算吧，立刻馬上order左一碗吉列豬扒烏冬及黑芝麻布丁，叫左個四眼女待應落單，佢竟然好大聱話佢自已唔可以落
聽見網友推介既食物，當然二話不說跟風order啦
1) 天婦羅烏冬呢個真係唔錯$38, 烏冬真係好彈牙、有兩隻小炸蝦及數件炸蔬菜，炸物都炸得幾好，$38有咁既水準，當時想今晚真係無選錯地方啦
2) 見到第二張檯點了個$88既魚生及魚子海膽飯，因聽見個女仕話d魚生幾新鮮於是跟點啦，來到有5款魚生，每款約有3片，另加一碗白飯面頭加左d魚子及海膽，呢個都幾抵及ok啦，魚生都鮮味
3) 薯蓉年糕，個人好喜歡年糕的口感，再加埋薯蓉同埋d汁，好特別，$20元兩件作為小食都不錯
食完以上3款食物，老公仍未夠飽，本想叫多個$68 的set，但因我想吃黑芝麻布丁，怕叫多個set 又吃不晒，見烏冬很美味，於是提議老公散叫多一碗烏冬便算吧，立刻馬上order左一碗吉列豬扒烏冬及黑芝麻布丁，叫左個四眼女待應落單，佢竟然好大聱話佢自已唔可以落單喎, 叫其他人幫我地落，但佢之後都無叫到人幫我地；另外一張檯2個男仔在我坐落之前已叫左食物，但係我食完個薯蓉年糕佢都未有一樣野來，見佢問左幾次d員工(包括果個四眼女待應)都無人跟進，最後才見到一個高大既男員工幫佢重新落過單(但一句sorry都無講)，又難得果兩個男仔一d火都無喎，又重新講過佢之前order左d乜野物野，5分鐘過後, 佢地既order就到了，我覺得佢地好離譜，人家之前追單完全都無意思幫人跟單羅，比我係果兩個男仔一定走左好耐啦，你估淘大得佢地一間餐廳咩。
講返我個吉列豬扒烏冬，碗烏冬來到嚇左我一跳，塊吉列豬扒浸在d烏冬上面，而塊豬扒係一塊死實實既豬扒, 豬扒厚度只有2分厚，見到已唔開胃，但叫左無計啦, 唯有照食啦, 食落去仲慘，同食塊膠既豬扒毫無分別, d吉到"林"不特子, 果塊豬扒一d汁又無, 一d口感又無, 食食下好似仲覺得有d酸酸既味道, 老公於是叫左個男員工叫佢睇下塊豬扒啦, 佢攞返入去再攞返出來話無問題, 日本廚師食過都無問題喎(攞日本仔撻我地), 話係新鮮做的, 堅持不會換過，我地見佢咁講都費事同佢嘈，是但食埋d烏冬就算, 我地唔係果d想攞便宜的顧客呀，我地之前對佢間店既食物覺得好先會再encore麻, 佢竟然比d咁既野我食, 仲話新鮮做唔換，我地於是留返d食剩既豬扒作為無聱的抗議羅。
本人工作既公司都係飲食業，亦對openrice個網址好重視，笑面同喊面真係對食店有好大影響，亦因為見咁多笑面才會到此店幫趁，為左塊有異味及店舖不接受顧客既意見既"錦", 在此我會比佢第一個喊面, 無法子。
张贴