Passion (朗豪坊) (已結業)

話說經常行朗豪坊都見呢間鋪頭好多人~今日行過朗豪坊又想食西餐，所以就去呢間試下!去到門口見到個餐牌我自己都嚇一跳...乜原來食呢的野嫁...全部幾乎都係意粉....仲要每個價錢都唔平....連飲品同湯要差唔多$130....但都黎到...好喇...照食喇....食物黎到....個樣都唔差既...但係個湯就真係...玩咩....用紙杯....真心唔明點解係呢個價錢但係用咁既用具....講返食物喇...今日MENU係西蘭花湯...問心..杯湯係好飲既...有好濃的西蘭花味，又唔會太咸....係好飲既...我一個人飲左兩杯....因為飲埋朋友個杯!!但係個意粉就真係....同我自己係屋企煮既冇咩分別....茄汁長通粉......食完呢餐...我自己真心唔明...點解佢會咁多人...但再左望右望就知....原來佢晚餐套餐的價錢同下午係一樣...仲多個甜品.....唉...原來係自己冇留意...所以先中伏..唔怪得人..希望下次夜晚再黎可以幫佢平反....