更多
2017-05-02
83 浏览
好多人話大角咀多野食,咁啱個friend又想打邊爐,最終揀左呢間表叔火鍋。其實由旺角地鐵站行過黎好近,行5分鐘左右。🚶🚶一坐底,個friend問我有無帶叉電,我話無喎....點知一望之下,原來每張檯下都有叉電設備,iPhone 或 Samsung 電線都有,真係啱晒!火鍋湯底好多選擇,足足有17款之多,今次揀左清清地嘅鮮茄薯仔鍋,材料都好足,仲有粟米添。火鍋醬料都好充足,每位只係收$10。手切雪花牛頸脊(小)$128,個人認為呢款已經好好,因為佢仲有手切頂級牛頸脊$148,大概相差$20,下次可以試下個頂級先。普通呢個上碟已經見到雪花均勻,肥瘦適中,肉質相當唔錯,夠稔身,而且份量都足夠。手打四寶丸都唔錯,有豬肉丸、蝦丸、鯪魚丸同埋墨魚丸,粒粒爽口彈牙,用料新鮮。本人尤其喜歡蝦丸的味道,真係有說不出的爽呀,總知好味啦!不過鯪魚丸就有少少腥,可能個人唔太鍾意鯪魚。即炸嚮鈴,食落卜卜脆,打邊爐一流。魚皮餃好新鮮,唔會有腥味。蜂巢凍豆腐,唔係滑身嗰啲豆腐,外表真係有啲似蜂巢,口感都幾特別。唐生菜好新鮮,塊塊葉都綠油油。糖心皮蛋,都好夠糖心,但有少少澀口。食完咁熱氣嘅打邊爐,店員仲送上清熱解渴嘅
一坐底,個friend問我有無帶叉電,我話無喎....點知一望之下,原來每張檯下都有叉電設備,iPhone 或 Samsung 電線都有,真係啱晒!
火鍋湯底好多選擇,足足有17款之多,今次揀左清清地嘅鮮茄薯仔鍋,材料都好足,仲有粟米添。火鍋醬料都好充足,每位只係收$10。
手切雪花牛頸脊(小)$128,個人認為呢款已經好好,因為佢仲有手切頂級牛頸脊$148,大概相差$20,下次可以試下個頂級先。普通呢個上碟已經見到雪花均勻,肥瘦適中,肉質相當唔錯,夠稔身,而且份量都足夠。
手打四寶丸都唔錯,有豬肉丸、蝦丸、鯪魚丸同埋墨魚丸,粒粒爽口彈牙,用料新鮮。本人尤其喜歡蝦丸的味道,真係有說不出的爽呀,總知好味啦!不過鯪魚丸就有少少腥,可能個人唔太鍾意鯪魚。
即炸嚮鈴,食落卜卜脆,打邊爐一流。
魚皮餃好新鮮,唔會有腥味。
蜂巢凍豆腐,唔係滑身嗰啲豆腐,外表真係有啲似蜂巢,口感都幾特別。
唐生菜好新鮮,塊塊葉都綠油油。
糖心皮蛋,都好夠糖心,但有少少澀口。
食完咁熱氣嘅打邊爐,店員仲送上清熱解渴嘅西瓜🍉。
整體上都算唔錯,過程中,職員又會經常留意加湯。
值得推介!
张贴