正宗上海生煎皇 (已結業)

生煎包係生招牌，但真係一啲都唔好食! 皮好硬，肉汁勁少，唔夠熱，擺明一早煎定放左好耐，放到個皮都硬哂. 個上海排骨厚就夠厚呀，但成件黑黑地色，又油林林呢!仲要一大陣臭豬騷味呀!!!!!點搞呀大佬!!食左落去，吐都吐唔切!最離譜係個後欄度門， 真係痴x線， 打開曬個後欄門，度門正隔離就係個廚房，啲老鼠曱甴直情係喺個後欄直入廚房呀!!有冇培訓下啲員工架?!究竟有冇心去做一門生意睇得到啦....淨係識得用自己名氣幫自己間舖製造話題冇用既....... 真係攞個心出做好食物先啦，真係當香港人係傻㗎咩?!祝你長做長有啦..!!