叉燒丼家

营业中

休息中

第一次幫襯，咁我同老婆入去首先一人嗌個餐試吓啦，一分鐘唔使嘢飲就到啦，但杯紅豆冰少豆又冇味，出街飲杯紅豆冰六成係白色奶四成係紅色豆，呢度啲紅豆冰成杯都係白色奶，仲衰過飲奶水同埋杯凍檸茶維他都好過佢，直入主題，帶咗個雜扒餐，鐵板餐塊鐵板唔熱嘅，薯條淋既，最好味係隻煎蛋，仲有個所謂嘅招牌鰻魚叉燒當飯，條鰻魚又腥又唔熱，食一啖頂唔順吐返出嚟，擺到明一早整定，啲叉燒話咩梅頭整，真係街市買盒叉燒飯都好食過佢又瘦又乾又奀，冇汁乾啃，食乜鬼依間叉燒丼飯吖，落去街市$30買兩盒油雞叉燒飯好過啦，不可一不可再幫襯！