影片
有老朋从英国返嚟，完咗聚会，一行4人本来打算饮餐茶，不过，老朋友话好想食烧味，佢仲喺「叉烧丼家」嘅忠实拥趸，投其所好，就改到嚟食番餐叉烧饭。餐厅环境好大、好深长，入到去大把位拣，茶记格局，所以，主要都喺以卡位为主。虽然我哋得4个，但客唔多，都拣咗坐中间啲6人长枱，方便摆吓嘢。食物嘅选择包罗万有，唔会净喺得烧味食，不过，既然以叉烧起名，自不然喺食佢啲叉烧饭，就算喺叉烧饭，都有好多配搭。特浓芝士叉烧丼饭 $56由于同枱朋友客唔喺𠮶啲相机先食嘅人，就唔方便影其他人嘅嘢食，单单只分享吓小弟今餐食咗乜。单喺睇睇饭面满满嘅特浓芝士汁就感受到有料到，个芝士汁确喺校得唔错，够香浓，质感啱啱好，捞饭确喺一流。而佢哋主打叉烧，叉烧亦做得一手，小弟就拣瘦叉，口感松化唔会好柴皮咁，而且，有唔少㶶边位咬吓。热奶茶当佢都喺间茶记，所以，餐饮都拣番杯热奶茶，睇见色泽都对办，虽然饮落唔会话好正好正，但至少茶味够，茶奶比例都OK，我就收货架啦。由于真喺客唔多，食完晒侍应都无乜点理我哋，所以，大家都倾咗好耐，有唔少当年今日嘅话题，亦讲讲晌彼邦嘅生活轶事，移民确喺好多辛酸，大家都明白只喺报喜不报忧而已。
继续阅读
下午茶，肚仔饿，揾野食先，见个名叫叉烧丼家，就入去食叉烧饭，下午茶细细碗叫够食，有多多姜葱蓉系叉烧上面，即刻试下，叉烧冇咩特别，又唔会特别好食，叫正常，唔会太瘦唔会太肥，相反只蛋同埋啲饭夹埋就超好食，啲饭粒粒鲜明有口感，蛋黄大又浓味，捞饭好味，基本成碗饭，姜葱蓉蛋黄汁同埋啲饭一同，夹埋超好食。食野除了食味道外，最重要系食人情味，当日我都食哂野饮哂野，准备埋单，店舖职员问我要唔要碗西洋菜汤，话话刚刚煲起，俾碗我试下，本来都想埋单走人，俾人情味感动，所以优先出此食评。
继续阅读
之前呢到系出名叉烧饭嘅茶记，近期再黎发现多左个边炉五食，好似系同其他集团合作，200几又唔太贵就黎试下。本身见佢个牌咁多野以为系拣，点知原来系全部都有。上鸡煲前可以拎小菜，一共十一款，包括炸奶、木耳青瓜、泡菜、虾等。然后系鸡煲先，有两款拣（图片有），我地拣左辣鸡（可再拣辣度)，叫左bb辣，好好食，上枱后即炒，店员同左我地讲点炒亦会keep住黎帮手炒，十分钟食得，好嫩口而且口味同出面鸡煲唔一样。之后就上海鲜盘，系蒸好左先上，可即食，有带子、蚬、鲍鱼、壕、虾、乌东，好大份，都好食。佢会换走鸡煲嘅煲先上汤，我地拣左花胶汤（入面仲有鸡），可以饮左先，之后佢会再加汤比你打边炉，牛猪任叫但要同佢地落先有，（鲜牛几好食，弹牙的），其他丸、菜可直接拎。饮品柜都好多野拣，汽水、茶etc 平时见到嘅都有，仲有雪糕、啤酒都系free的，啤酒有两款拣～而且可以食到十一点，可以慢慢食总结真系好饱但好抵食，大胃巴丝请进场🫵🏿
继续阅读
位置相对偏远，但系真系葵涌值得行上嚟一食！食物质素及选择都高质过一般茶记！估唔到竟然有泡菜、仲有薯菜或沙律选择，价钱一律极亲民，全部都系$50几蚊选择多到、又好味到，觉得要嚟食几次，实在有太多都想试食！// 泡菜叉烧丼饭首先，叉烧可以加钱转肥叉烧，以下我系冇选择加钱，系普通叫叉烧佢会嘅比嘅质素，可以见到就系瘦叉，一啲肥都冇 which 对我嚟讲完全好ok!味道上系中规中举，我觉得系因为佢薄切叉烧影响咗个口感，同唔够美道丰富。厚啲嘅话佢会有多啲咬口、啲肉会索多啲汁，一咬嘅时候就会渗多啲味道出嚟，不过呢个系唯一挑剔嘅地方。泡菜就系超市买返嚟𠮶啲现成泡菜水准，相信都唔会系自己腌制。不过佢真系好不吝啬，比超级超级多泡菜另外佢会有啲叉烧酱汁落入啲饭，好好味好送饭，一开始见到觉得好似有啲多饭会食唔晒，但食下一啖一啖就食哂，实在太好味了绝对值得再食第二次佢哋碗叉烧双蛋饭好吸引，相信啲蛋黄酱好送饭
继续阅读
今日喺葵涌想食下午茶就去左呢间餐厅叫外卖，既然餐厅名叫叉烧丼家，咁下午茶就梗系要试吓佢哋嘅叉烧啦！细叉烧煎蛋丼饭，叉烧份量都唔算少有六块，但系就唔算厚身。叉烧都唔会好肥或者系好干身，味道就冇乜特别，同平时食开嘅差唔多。虽然系细size嘅丼饭，但系份量都唔细，食完都会好饱。叉烧饭配有葱油，平时比较好少见呢个配搭。太阳蛋亦都煎得好完美，捞埋啲葱油饭一齐食，真系好好食！但系依间餐厅嘅位置就唔太方便，应该都唔会成日去光顾。
继续阅读