影片
更多
2018-01-14
100 浏览
今日同老婆的朋友一齊去食晚飯，幾個女人選擇去Café，因為貪佢地點方便，地方大坐得舒服；店內環境都幾靚，牆紙全都有香港特色，七彩繽紛；這裡最適合同三五知己傾計開餐。此Café真係名副其實係街坊Café，見到餐牌入面，真係有香港街坊小店的食物（雞蛋仔，碗仔翅…），哈哈哈！店內侍應都好友善，雖然好多客人，但每次有什麼需要時，他們都會馬上前來幫忙。今日叫咗5款美食，每款質素都好好，尤其是＂原隻波士頓龍蝦芝士龍蝦汁意大利飯＂我最欣賞，龍蝦汁的鮮味溶入飯中，加上有其他配料一起（如硯肉、青口等），口感很豐富，鮮甜美味，又唔會太鹹；除咗飯，隻龍蝦上面的調味及蟹籽亦很配合，帶出龍蝦味道，又鮮肉質又彈。＂波士頓龍蝦All Day Breakfast＂入面個焗豬仔包好香脆，係我食過最好味的；仲有佢個豬肉腸，口感實正，唔會軟淋淋。點都食返個街坊美食，所以叫咗個＂街坊小食拼盤＂，入面個水牛城雞翼，個汁甜甜辣辣(好夠辣)，雞翼剛炸好仲熱，真係好惹味。仲有個＂吉列蟹肉忌廉薯餅，真係手快有手慢無，佢哋分別話好味，不過我就無份囉！＂烤雞三文魚凱撒沙律＂＆＂蒜香一口牛＂同樣有質素，三文魚及沙律菜都好新鮮，一口牛個汁酸酸
此Café真係名副其實係街坊Café，見到餐牌入面，真係有香港街坊小店的食物（雞蛋仔，碗仔翅…），哈哈哈！店內侍應都好友善，雖然好多客人，但每次有什麼需要時，他們都會馬上前來幫忙。
今日叫咗5款美食，每款質素都好好，尤其是＂原隻波士頓龍蝦芝士龍蝦汁意大利飯＂我最欣賞，龍蝦汁的鮮味溶入飯中，加上有其他配料一起（如硯肉、青口等），口感很豐富，鮮甜美味，又唔會太鹹；除咗飯，隻龍蝦上面的調味及蟹籽亦很配合，帶出龍蝦味道，又鮮肉質又彈。
＂波士頓龍蝦All Day Breakfast＂入面個焗豬仔包好香脆，係我食過最好味的；仲有佢個豬肉腸，口感實正，唔會軟淋淋。
點都食返個街坊美食，所以叫咗個＂街坊小食拼盤＂，入面個水牛城雞翼，個汁甜甜辣辣(好夠辣)，雞翼剛炸好仲熱，真係好惹味。仲有個＂吉列蟹肉忌廉薯餅，真係手快有手慢無，佢哋分別話好味，不過我就無份囉！
＂烤雞三文魚凱撒沙律＂＆＂蒜香一口牛＂同樣有質素，三文魚及沙律菜都好新鮮，一口牛個汁酸酸甜甜地配牛肉粒一起食好滋美。
最後，一杯＂凍朱古力咖啡＂，真係一個完美的飯局。
张贴
