街坊Cafe (已結業)

放工後就一定要食餐好既，朋友之前已經話想食呢間街坊cafe，因為佢地既選擇好多，而且價錢又唔貴。開頭聽到Cafe以為會係樓上樓舖，點知估錯左，原來係女人街條行到。入到餐廳就比餐廳既牆身吸引眼球，滿滿既壁畫，好特別。Memu既選擇真係好多，睇到樣樣都好想食每杯飲品既顏色都好特別，一加一和青春頌明太子溫泉蛋意粉，呢個意粉點可以唔叫呢，滿滿的明太子，意粉麵質岩岩好，Creamy度剛好皇牌卡邦拿拉沙河粉，出面既餐廳未見過會用河粉呢煮卡邦尼。但係佢居然比到我驚喜，開頭未食既時候都怕河粉同卡邦尼唔夾，點知味道超夾而且好好味。河粉滑流而且好Creamy食完想再食。街坊小食拼盤，水牛城雞翼唔會話好辣，肉質嫩滑。吉列蟹肉忌廉薯餅，外層炸到金黃色，內層有香濃的忌廉汁。士多啤梨荷蘭班戟，外層香脆，加上雪糕貼士多啤梨一齊食好美味。