泰軒美食 (已結業)

太安樓係每個西人(西灣河街坊)既必然蒲點，我都唔例外。而呢間泰國野係街知巷聞，根本唔駛咩裝潢吸客，街坊熟客自會識來(大家都認得門口外個唔知咩佛像)，本人間中都會幫襯既。今日放工同同事黎，掃左陣街，都係入左黎坐，諗住食啲小食。兩個人三個餸︰【魚餅蝦餅雙併】，【馬拉箋通菜】，同事仲加多碟【泰式豬頸肉】。魚餅蝦餅雙併外層炸得相當香口，但不會油淋淋咁。蝦餅切成乒乓般大，外面係金黃色，連內裡既蝦肉都打得爽脆滑漏，蝦味甚濃而沒有太多調味，Feel到本身既蝦味。更欣賞魚餅，外層沒蝦餅脆，但內有乾坤，夾雜著既香茅、九層塔等香料，香氣四溢，仲有一種不知名既豆，總之泰味十足，同魚肉鮮味相輔相承，零違和感，點埋傳統既酸辣醬，沒甚麼可挑剔。馬拉箋通菜嫩綠得很，無乜粗身既莖，甚至葉比莖多，岩我口味。上碟已知頗有鑊氣，炒功有昔日街邊大排檔8成，菜吸收馬拉箋鮮鹹加上微辣非常可口，如要挑剔就係略為鹹了半點，但瑕不掩瑜。泰式豬頸肉本身我係唔食既，睇落好似有啲太乾身，但同事話食落比賣相軟稔多汁，個魚露醬溝得唔錯，有些許辣椒乾蔥，有提鮮效用。所謂泰式應該指個醬汁吧？三樣餸埋單200，唔貴，質素很不俗，比起九龍城名氣泰國食店