影片
食家推介
招牌菜
太安楼内唯一一间街坊泰国餐厅，现正做堂食和外卖九折。星期日第一次帮衬，一家四口去，叫咗菠萝炒饭、青咖喱牛、香辣干炒河、香辣肉碎炒饭、两杯珍多冰、一杯冻啡和一杯冻柠茶、再加一碟炒通菜和烧猪颈肉、两碗冬荫公汤。小菜好够镬气，味道算正宗，落完单好快上枱，但不要对服务有任何期望，老细同你讲野唔望你，落单时只企喺前枱边听边写纸落单，唔会埋你身边，失惊无神又会喺你身边上菜。埋单九折后$33x，算抵食喇食咁多野唔驶$500
继续阅读
咁多人都讲态度差系有原因😡要帮衬既朋友真系要自己谂清楚‼️贴钱买难受‼️之前都有喺度食过，态度都非常差！岀错野俾人仲可以凶返人转头！😡以为之前𠮶次系心情唔好！点知到依家都系咁，🤬🤬好似全世界得罪佢咁，唔想做人生意就唔好开门，折埋佢啦！❌以后唔会再帮衬！❌以后唔会再帮衬！外卖对住15分钟唔到的时间，都真系可以差到第一次要走上黎打评语！认真谂吓系态度差到一个点~真系免得下个再中招‼️态度差差差🚫
继续阅读
喺太安楼兜左一圈都谂唔到食咩好，就随便入左间街坊旧式泰国餐厅食晚饭。泰式海南鸡饭 $46 (+$7 转鸡脾)鸡件几滑唔鞋口，不过本身就无咩味，要靠跟餐嘅酱汁提味。饭有少少蒜香，食落唔太油。泰式炒金边粉 $46金边粉炒得有镬气，落左樱花虾去炒所以带些微咸香，不过整体味道偏淡，酱汁嘅酸甜味如果可以再浓一啲会更加好食。 冬阴功汤 (跟餐加$14)虽然餐牌写住一人份量，但上枱觉得份量比想像中少，唔太值$14蚊。 冬阴功汤唔辣，酸味比较重，入面有只细虾，食落都算鲜甜。椰汁冰(跟餐加$6)味道就喺平时饮开嘅罐装椰汁味再加碎冰，不过不失。街坊价钱无期望咁多，纯粹打算医饱个肚，味道好一般。
继续阅读
话说今日去食lunch,见冇乜人就入去食，个阿叔黑口黑面地落单! 都算! 食完野比钱，佢话94蚊，我同事问每人个餐系几钱，佢态度非常恶劣地答咪47蚊，都算! 我比100蚊纸佢，但张银纸唔小心跌左落佢个茶壶到整湿左，我叫同事拿临拎纸巾帮人印返干，点知又黑面9秒9拎起张钱，然后坚劲超级大力"拍"一声找返6蚊比我! 我火都黎，一路行出门口一路出左句声我话"咩态度呀"，点知佢回我"妖~~"食左30几年野，佢都算最冇得顶既餐厅，可以咁多年自己倒自己米，佢唔休做咩? 我又唔觉! 反正佢好自为之，而我亦永远都唔会再帮衬之余，仲会叫其他朋友同事都唔好去帮衬!!! 劲嬲~😡
继续阅读
今晚想吃泰国菜，于是选了西湾河的泰轩美食吃晚餐，点了一个明炉蒸乌头鱼套餐，包括有明炉蒸乌头鱼、泰式炒金边粉、冬阴公汤、虾酱炒通菜，及两杯芝麻凉粉冰，整体来说味都不错，最like 冬阴公汤，虾够大只，及够辣够酸
继续阅读