街坊Cafe (已結業)

西洋菜街隨了一列排檔，原來兩旁有好多餐廳食肆，車仔麵，茶餐室，泰菜....樣様齊，想食咩有咩。街坊為名的一間餐室，牆壁畫滿香港有特色的風景，播放著流行歌曲，店員全部年青伙子，幾有活力。打開餐牌，林林總總，有意粉，飯類，扒類，漢堡飽，睇到花多眼亂，選擇困難症又發作了。最終點了一個五香肉丁焗肉醬意粉。面層焦焦地有芝香，蕃茄肉醬汁多，所以焗起上來沒有乾爭爭，每條意粉都可沾上，酸酸咪咪好開胃，再加上五香肉丁更加惹味。只要加三十八元就升級有龍蝦湯和飮品牌。龍蝦湯濃稠，香濃有鮮味。不過調味鹹了少少。滴溜咖啡真不錯，香濃醇厚，有水凖。