榆越 (已結業)

位於天水圍天一商場一樓#榆越 餐廳環境夠曬大，座位間距闊落，其價錢定位親民，深得唔少街坊幫襯，今次同朋友每人叫咗一個主食再追加小食同飲品，價錢都系$100/位左右，食物種類豐富，真係食到好飽!!越式香茅雞扒沙律 $50雞扒稍微煎香，入口肉質嫩滑，雞扒下有芽菜、青瓜絲、漬蘿蔔和生菜，味道酸酸地地，幾開胃。口感清爽。招牌燒牛肉法包 $48 &百香果祿+$13賣相吸引，法包外皮好脆，法包夾住燒牛肉、青瓜、蕃茄、芫荽等，入口好鬆化，味道一流。足一人份量。牛腩咖喱飯 $60 &美祿+$8牛腩都夠軟嫩，炆得幾淋下，咖哩味香濃辣度適中，越式咖喱係用來送飯確實唔錯。蒜蓉牛油雞翼 $30/5件雞翼既火候控制得好好，牛油味好正，食到流曬口味，三十蚊五隻真係抵。豬頸肉3串 $30豬頸肉既肉質爽口！以優惠價三十蚊出售，唔系成日有！！